أغلى وصال .. قصتك عجيبه :eek: .. وما شاء الله على هذه الزوجه ..أعصابها حديد .. تصرفها صح .. لأنها أظهرت لزوجها إن موضوع زواجه مو هاممها أصلا .. وهذا المفروض .. لكن هي ما فكرت في بكره ! ما حطت في بالها إن زوجها ممكن تعجبه هذه البنت الصغيرونه اللي رقصت معاها.. وتدخل قلبه ويسأل عنها لحد ما يعرف هي بنت مين ويروح يتقدم ويتزوجها ّّّ!! عاد وقتها تكون جنت على نفسها وما راح تخلص من تأنيب الضمير .. .. بدال ما يحرق قلبها مره يحرقه مرتين .. وبدال ما تشوف جماله يوم بعد يوم راح تشوفه كل يومين .. في معلومه سمعتها مدري صح أو لا .. يقولوا الزوجه إذا زوجها أتزوج عليها الثانيه تزعل و تنقهر .. وإذا كرر التجربه .. راح يكون الموضوع عادي جدا بالنسبه لها لأنها خلاص انصدمت أول مره ..

الأخت طابت جروحي .. صعب على الزوجه الأولى إنها تحضر زواج زوجها .. وسواء حضرت أو لا الناس ما راح تتركها في حالها .. إن غابت قالوا مسكينه زعلانه من حقها ما تحضر ..وإن حضرت وبينت نفسها فرحانه :) قالوا باين عليها ما تحب زوجها ..

لو الوحده تقدر تتحكم في أعصابها وتسيطر عليها يوما الزواج .. وتقدر تتحمل .. وتخلي أعصابها في ثلاجه بارده .. وعندها المقدره إنها تضحك وتتكلم وتفرفش وترقص .. وتروح لكوفيره وتكون يوم الزواج حوريه بلبسها ومكياجها وتسريحة شعرها هذه تقدر تحضر الزواج ولها مليون ألف تحيه :26: .. وأحلى شئ وقت الزفه تمشي جنبه تقريبا والمبخره بيدها وتتبسم وتضحك :hahaha: وتررررررقص قدامه وترقصه كمان :26:
وااااااو فله وحركه رهيبه .. كذا تكون ضربت عصفورين بحجر .. بينت لزوجها وللكتكوته العروسه إنه الموضوع عادي ومو مهم بالنسبه لها .. واظهرت للناس العكس ...

بعض الرجال ما يرضوا لحريمهم يحضروا الزواج لأنهم يخافوا يسوا لهم مشاكل ويتفركش الزواج .. وبعضهم ما يقولوا لحريمهم على الزواج إلا في نفس اليوم ..

وكل الرجال عندهم هذا المبدأ ( تبغى تقهر الحرمه وتأدبها وتمشيها على العجين ما تلخبطوا .. اتزوج عليها ) ... وأعرف حريم بعد ما عرفوا بزواج أزواجهم عليهم .. تركوا لهم الأطفال وتركوا الجمل بما حمل .. وراحوا بيوت أهاليهم .. وكل واحده تقول أنا من حقي كمان أشوف حياتي ..
وأعرف كم واحده صبرت وربي عوضها في الآخرطلق اللي اتزوجها ورجع للأولى .. ومع السلامه أدري إني طولت ودخلت في مواضيع ثانيه ..

مشكورة اختي ام شهودة كلامك صحححححح.

انا ماتزوجت بس لو يصير معي هالموقف
كان احط لزوجي اقو حبوب منوم وطبعآ قبله اسوي نفسي عادي وماهمني واخلي البنت تفشل قدام الناس
واحوس ام العرس وانا جالسه ببيتي ورجلي نايم جنبي <<<<<<<< والله من الشر من الحين بدت تدور افكار

في ستين دهيا يتزوج ولا همني يعني ايش ميته فيه أنا

أصلا الرجال ما من وراهم إلا وجع الراس

ليه الوحدة تروح في مليونين وستين الف دهية
تروح اش تسوي ولا ايه تشوف من عدالة شوفته هو وذاك الوجه
والناس حيتكلموا حيتكلموا
واللي تتشمت ح يبتليها الله في نفسها او بناتها