شوكرن شوكرن .لا داعـي .
.<<تحس انها فوق منصه والكل يصفق لها 
لا والله ماكان له داعي وقسم احرجتيني .<<وحده من الحضور جابت لها باقه ورد وشيك
تصدقون احرجتوني وهونت ماراح انزل موضوع
تصدقون لو ماحلفت اللي وراء كان ماحكيت .<<كذبت كذبه وصدقتها ..
موضوعي عن مشكله لاحد الأخوات ..
تراه ماطلبت مني انزلها ..بس انا قلت انزلها غصبن عنها ..
اصلا ماتدري اني ابنزله ..
عآد الورطه لو صارت بالمنتدى
..بكيفها تستاهل ..
هذي الله يسلمكن تحكي لي عن مشكلتها ..
هي مو مشكله مشكله ..طبعآ هي تقول كذا ..
هذي الاخت ..اكبر خواتها <<مااتعرف الا على اللي هن اكبر بنات اهلهن
وهي دلوعه امها وابـوها ..لو عطست تروعوا ..ماشاء الله تبآرك الله ..
الله يخليهـم لها ..ويطول بعمرهم على طاعته ..اللهم آمين ..
الله كلن يخليه ويخلي له ..قولوا ماشاء الله عليهم ..
هذي البنت تقول ..انها من خمس سنـوات كل فتـره يجيها ورم ..با أسفــل البطن ..
تقول اول مره جاني ..ماادري بس كنت بالمطبخ وشوي حسيت بنفظه وانا قريبه من الثلآجه ..
تقول احسب الثلاجه نفضتني ..
ورحت لدوره المياه _ الله يكرمكم_ وانا وش اشوف ..شئ كبر قبضه يد الطفل الصغير ..
تقول وانا اخاف ..واسكت ..
وبعد يوم اختفى ..وارتحت ونسيته .
لكن صار يجيني طوال الخمس سنوات ..
ممكن يجي مره بالشهر ..وممكن يجي كل ثلاث شهور ..
بس في الايام الاخيره صار الالم يزيد ..وانا اتحمل واسكت ..تقول لو اعطس او اكح احس روحي تبي تطلع ..
واحس انه يبي ينفجر ..ورافضه تروح للمستشفى
لانه اول شئ مكآنه حسآس .وماارضى احد يكشف علي .
سواء دكتور او دكتوره ..
غير كذا ..امي وابوي ..اروعهم .!!عشان ايش ..
هذاني عشت خمس سنوات ..وماصار شئ ..
ولو صار شئ ..فهو ماراح يصير الا المكتوب ..
اصلا من زين المستشفيات ..اللي مايموت من المرض يموت من الخطأ الطبي ..
بس تقول انها اليوم قرت في الجريده ..ماادري امس في عياده الرياض كانوا يحكون عن الزائده الدوديه ..
تقول يوم شفت الاعراض ..والشكل والوصف .حسيت انه هو ..
بس وانا اقرى اكتشفت انه كل ماتاخر الشخص كل ماصار قاتل ..
وهي بكذا استسلمت ..<< مع انها من اول مستسلمه ..
لاتقولون قولي لها تكشف مايصلح كذا ..
مو راضيه ابد ..ابد ..
سألت لها في العياده هنا في المنتدى ..قالوا ..لازم تراجع دكتور ..
وهي مو راضيه ..
وش السـواه يابنات حواء ..!!
مع انه اللي يشوفها يقول ماشاء الله الينت مافيها الا العافيه ..
ولو علمت اهلها تبي تكذبني لانه شكلها واضح ..مو معقوله يبون يصدقوني ..
وهي لها خمس سنوات تعاني .. ومابين عليها ..
اقولها طيب لو تتزوجين وش تسوين ..!!
تسكت .وتقول ..لكل حادث حديث .<<احسب العالم مشافيح مثلي
خلصت القصه دورا لها حـل بسرعه ..
<<تخلص القصه ذكرت سالفه تبي تقولها ..
تصدقون لي اسبوع البس في البيت هذا الشال الطويل ..
اذا بغيت انزل تحت ارفعه على راسي ..واذا مر ابوي اتغطى عنه ..على اساس انه اخو رجلي
<<انهلبت البنت ياجماعه
امي تقول ..هاو غلا وراك متمهده بالشال تقل ثلوج ..مادرت عن بنتها ..عايشه جوهآ ..
ووبــس ..خلصت ..
تقول ليش طيب السالفه حزينه ليش قالبتها ضحك ..
بقول لها مالك خص
شسوي ..نزل علي الضحك ..أصيح مثلا ..
بعدين هذا الشئ راجع لي .
<<بسم الله عليكم عصبت قبل لاتقرون الموضوع
ضحكي من باب التفائل ..
اجل وشلون كنت باكاديميه الايجابيات هاه ..
ماتخرجت الا وانا سنعه
وان شاء الله ماهنا الا العوافي .تطمنوا ..
<<هاو وراها قامت تطمن البنات بدل مايطمنونها
يالله النوم ياحلوات ..السهر كلش مو زين ..
خربت يوم دخلت حواء ..