تحققت امنيتي سفره خارج المملكه! والسبب..

اهلين بالحلوات😍💓
اسعد الله صباحكم🕊🌱
حبيت احكي لكم عن امنيه تراودني من سنين !
كنت دائماً احلم بسفره خارج المملكه عشان اشوف الطبيعه والاجواء الحلوهه بس كنت مستبعده هالشي نهائياً😪
لان اهلي مادياً مايستطيعون يسفروني للخارج ..
فـ كنت لما اشوف سنابات وصور الناس المسافره صحيح افرح لهم واقول ماشاءلله واتمنى لهم الخير ..
بس كان يحز بخااااااطري لاني اتخيل نفسي اروح هالمكان يعني شي ماتتصورون كيف كان هالشي من امنياتي ..
انا احب الطبيعه واحسها تلهمني وتخليني متفائله وتعطيني دافع للحياة ..
كنت من النوع اللي اضيف اي شخص بسناب او انستقرام دائماً يسافر برا المملكه .. بس عشان استمتع معه لما يبدأ بتغطية السفره وكنت انبسط لما اشوف الصور والسنابات احس اني مسافره معهم😂🤦🏻‍♂️💓
كنت مقتنعه جداً انو مستحيل اسافر برا ابداً كنت حاطه امل ومتفائله انه يجيني زوج يسفرني برا اما اهلي كنت مستبعده هذا الشي منهم..
قلت لنفسي بيوم من الايام ..
ليش لما اشوف اي منظر او اي احد منزل صور سفر او طبيعه برا المملكه ليش ما اردد هذا الدعاء ؟
لعل ربي يرزقني مثلهم💙
اتخذت قرار بيني وبين نفسي لما اشوف اي صور طبيعه او مكان حلو مصورينه اقاربي صديقاتي مشاهير بسناب ..
كنت اقول هذا الدعاء بكل استشعار
- ماشاءلله لا قوة الا بالله اللهم بارك لهم فيما رزقتهم وارزقني من واسع فضلك-
وراحت سنه كل ماشوف شي يعجبني ويحز بخاطري واتمناه اردد هذا الدعاء بكل استعشار ويقين ان ربي بيرزقني افضل من هذا الشي ب اضعااااف اضعافه ..
وابشركم يارب لك الحمممممممد😭💙💙
جتني سفره خارج المملكه هالسنه لدوله الكل يتمنى زيارتها لشهرتها بالطبيعه والاماكن الجميله والله العظيم يابنات جتني من حيث لا احتسب !!!!!!!
سافرت بعد رمضان وكملت العيد هناك وانبسطت الحمدلله💙
والى يومكم هذا مُنذهله كيف ربي يسرها لي؟
كل ما اتذكر هالسفره اتذكر تكراري لـهذا الدعاء اللي ذكرته لكم احسه هو السبب..
والله العظيم يابنات صرت ماشوف شي مستحيل صرت لمّا اشوف شي حلو ويعجبني !!
اقول هذا الدعاء ! ومتاكده ان ربي بيرزقني ..
خلوا هذا الدعاء يابنات على لسانكم ..
اذا شافت عينكم اي شي جميل اذكروا هذا الدعاء وراح يعطيكم ربي اضعاف اضعاف جماله..
الحممدلله والله يابنات سافرت وانبسطت واستمتعت بالطبيعه ..
ماتتصورون كيف مبسوطه ان ربي رزقني هالشي وللحين اشكر ربي على هذه العطيه ..
اللهم لك الحمد ولك الشكر ..
الله يرزقكم ياربّ اضعاف اضعاف ما اعطاني ربي ويسعدكم بتفاصيلها ..
تذكير بالدعاء :
- ماشاءلله لا قوة الا بالله اللهم بارك لهم فيما رزقتهم وارزقني من واسع فضلك-
كنت اردده على اي شي جميل تقع عليه عيني💙🕊
اللهم صل وسلم وبارك على نبينا محمد وعلى اله وصحبه اجمعين❣️