تحقيق الحلم بالابناء

اكيد والي شجعني اكثر ان بنتي طموحه ودايما تنظر للمستقبل وتطمح لنجاح وقاعده اشجعها واوفر لها كل شي لاني اشوف نفسي فيها

أبداً والله مستحيل أحقق أحلامي عن طريقهم

أنا أؤمن بحرية الاختيار يعني صح اني بشد حيلي معهم وأتابع دراستهم وأدفعهم للأفضل بس ماراح أجبرهم على شي ولو بجبرهم بخليهم بس (يكملون دراسه) بدون ماأوجههم لأي مجال

رفع

احقق طموحهم هم
يعني وش يبون واساعدهم على انهم ينجحون فيه
مو لاني مثلا ابغى اكون طبيبة ولا قدرت اروح اضغط على بنتي تكون طبيبة وهي لو خليتها ودعمتها بتكون مثلا مهندسة او محامية
وتبدع اكثر
احقق طموحهم ونجاحهم يعني نجاحي
لان الناس قدرات
فيه اطفال يبدعون في شي والباقي ينجحون فيه لكن ما يوصلون للابداع فلما اضغط عليهم يسوون شي غصب عنهم او ما يقدرون يسوونه او غير مبدعين فيه او يحبون شي اكثر منه
كذا جالسة احطمهم على حسابي و اكون انانية
الام عادة اذا هي قريبة من عيالها وتفهم شخصياتهم على مر السنوات بتعرف وش يحبون وش ممكن يبدعون فيه وش ممكن ينجحون فيه وش يحبون
واذا اللي يحبونه ممكن اختياره كمهنة وتكون معيله لهم وقادرة على انجاح حياتهم المادية بدعمهم فيها
لكن اذا اللي يحبونه ممكن ما يناسب الوقت او الزمان او ممكن يضرهم ماديا او ماله مستقبل
اساعدهم يخلونه هواية ونشوف وش الشي اللي بعده وينفعهم
مثلا وحده من اقاربي بنتها رسامة وموهوبة حتى ينادونها في المسابقات ويختارونها
لكنها متفقه معها تكون هذي هواية وتدعم هذي الهواية ما تطنشها مادامت ما تاثر على دراستها او مستواها
توفر لها أي شي تحبه او تساعدها على توفيره حسب قدرتهم وتدخلها دورات
ولولا دعمها ما صارت البنت كذا
لكنها اتفقت معها والبنت الان تحاول تدور لها مهنة تدرسها وهي اللي بتختار مو الام
لكن الاهم تكون مهنة لها مستقبل مو تجلس وشهادتها جنبها