تحليل حمل رقمي تجاربكم و راي الدكتورة

انا دورتي تتاخر مو شي جديد عليا

وكانت ماشيه تمام معايا كم شهر ووقفت على شهر يناير 2015 طبعا .. وعليها ما نزلت ومن وقتها حللت كذا مرآ ما في حامل ولا عندي أي أعراض حمل نهائيا هذا الكلام في الشهور إلى بعد الشهر إلى توقفت فيه الدورة تمام ..

المهم الأسبوعين إلى راحو حصل مرة وحدة جماع وحصل توت جوا ..🙈
وعدت اسبوعين وبديت احس مغص زي مغص الدورة في الرحم وألم خفيف في المبيض و افرازات بيضا ثقيلة وةثلاث مرات نزل دم شوية مرآ ولون أفتح من الأحمر الداكن بشويه و مع افرازات شفافه مثل بياض البيض استمرت ثلاثة أيام دم وافراز
المهم بعدها بكم يوم حسيت وخز في صدري
وحلماتي بارزة وصدري شوية ممتلي على مرتخي مدري كيف بس أنه مو منفوخ وقاسي ولا مترهل مرآ .. المهم الأحد الي راح عملت تحليل منزلي وما في حمل وعملت بنفس اليوم تحليل دم عادي وما في حمل ذا كان في مستوصف قريب من بيتي. .. قلت اصبر كم يوم وأرجع احلل أو اروح لدكتورتي إلى كانت تولدني في عيالي المهم اليوم عملت تحليل منزلي وطلع ما في حمل . لانو أمس عصرة صدري نزل نقطة جدا صغيرة حليب. المهم حجزت عند زكتورتي عشان تشوف الهرجه إذا ما في حمل يصير تعطيني شي ينزل الدورة

رحت وقلت لها عن اعراضي وقالث تعالى اكشف وكشف عليا من تحت بالجهاز وتقول كيف تقولي عملتي تحليل ومابين معاك . قلت وهذا إلى صار ما في إيجابي كلها سلبي قالت أنا متأكدة خالص انه في حمل قلت بين معاك بالشاشه قالت لا مافيش بس أعراض حمل مستغربه كيف تقول كذا متأكدة وهيا تقول ما في شي بالشاشه وتكشف بقوة وطالع أكثر في الشاشه المهم مي راضيه تقلي اش شافت وكشفت على صدري وعصرته نزل نقطة حليب . قالت راح نعمل تحليل حمل الرقمي راح يحسم الموضوع وراح نعمل تحاليل غدة درقية وصرفت لي دوفاستون قلت ذا مو عشان تنزل الدورة كيف مايصلح وأنا بعمل تحليل قالت لا بالعكس ذا يثبت الحمل لو موجود .. وعملت تحليل وبكرة النتيجة

بنات كيف رايكم في الرقمي راح يبين أو لا

وكمان اش الي خلاها تقتنع انه في حمل