السلام عليكم ..
أنا حبيت أطرح موضوع مهم جدا وهو "قنـوات الأطفال "
طبعا مافي مفر من التلفزيون وقنوات الاطفال
لكن الأم الذكية هي اللي تبحث وتعرف وتفكر ايش الاصلح والانسب لطفلها وتختار القناة اللي تناسب ديننا واخلاقنا وعاداتنا وتقاليدنا <<<لاتستغربون حتى القنوات صار فيها عادات وتقاليد بس تابعوا الموضوع لآخره وتشوفون ...
في هالموضوع نبغى نفيد ونستفيد واللي عندها اضافة او تعليق لاتبخل علينا وتفيدنا وبالتالي يعود على عيالنا بالخير ...
اول شي
mbc3
انسي موضوعها .. انا كنت اشغلها الصباح لولدي عشان Barney بس بعدين اشتريت DVD لبارني وريحت عمري .. القناة جدااااااااااااااا جدااااااااا سيئة ولها تأثير على المدى البعيد خاصة (البنات) .. ولو تابعتي كرتون واحد فيها راح تفهمين قصدي..وتابعوا فيلم واحد بس من افلام ام بي سي 3 وشوفي البلاوي اللي فيها اللي مفترض انها معروضة لاطفال ...والله اني اتابع ام بي سي 2 و4 وماكس..صدقوني مافرق بين افلامهم وافلام 3 ..اللهم افلام 3 فيها اطفال زيادة وبس
Space Toon
انا شايفتها كويسة .. والكرتون اللي فيها لاحظت يسوون شي حلووو القناة ... اذا كانت البنت لابسين لبس (مش ولابد) لاحظي ان القناة تغطي على اجسامهم بلوون يشبه لون اللبس حقها .. يعني مايخلونها شبه عاريه زي ام بي سي 3 التعبانة... كمان يجيبون مقاطع مفيدة وبرامج حلوه غير الكراتين ..انا مااشوف منها خوف لكنها تصلح للاطفال فوق 3 سنين عشان يفهمونها..
قنـاة أجيال
ماتعجبني وكراتينها قديمــة جدا ... مااشوفها مسليّة ..طبعا هي تبع قنوات السعودية ..الصراحة ماابغى اظلمها ..لكن مااعطيتها حقها من المتابعة بسبب وجود القنوات الاخرى الافضل ..
قناة براعم
حليـوة وتعجبني عشان ولدي صغير وتعرفون الصغار مره يجذبهم الالوان والاصوات والاغاني .. الحلو انها تصلح للصغار مرره من سن شهوور الى سنتين .. طبعا هي تبع مؤسسة قطر للتربية والعلوم وتنمية المجتمع هذا موقعها للي يبي يتعرف عليها واللي تعرضه http://www.baraem.tv/about-us/
Baby TV
ممتـــــــازة ... للي تبغى ولدها / بنتها يتعلم Engligh ..كلها اغاني وكراتين باللغة الانجليزية مرره تعجبني لكنها طبعا باشتراك (تبع قنوات art)هذا موقعهم http://www.babytv.com/ جدا جدا تعجبني هالقنــاة وحطي طفلك عندها وانتي مبسوووطـة ..
طيور الجنة +كراميش
طبعاً انا حطيتهم جنب بعض لأنهم كلهم قنوات (شاميّـة) سورية وزلمات ( اردنيين) ... هي حلوة وممتازة ومامنها خوف بالتاثير على الدين او الاخلاق اووو ..وبالعكس مفيدة ومسلية وهادفة لكن فيها كم شي :
1- بصراحة لاحظت على ولدي وعيال اخواني وبناتهم انها غيرت (لهجتهم ) وربي صاروا يتكلمون زلماوي صاروا يقولون (إمّي) و (إمـّو) ..و (شـوو ) .. وغيره من كلماتهم .. صراحة ازعجني هالـشي وضايقني جدا جدا ... ماابغى يأثر على كلامهم .. المفروض يكون كلامهم عربي فصحى عشان الكل تعجبه القناة مو يحكرونه على لهجتهم !!!؟
2- الشي الثاني كل القنـــاة من أولها لآخرها (أغــــــــاني) فقط لاغير ! صحيح اغانيهم فيها هدف وفكرة حلووة ومافيها مجون ..بالعكس كلماتها حلوة وهادفة لكن ..تظل في النهاية (أغنيـة) ... مافي افلام كرتون او برامج حلوة ..
3- الشي الثالث والاستغلالي في القناة : هو الشحــــــذة العلنية <<<أنا اشوفها كذا :42: ... علموا الاولاد كيف يرسلون من جوالاتهم مسجات عشان يحصلون النغمات وصاروا يبيعون منتجات بصور اطفالهم وشعار قناتهم في لها مثيل بالاسواق لكن سعرها اعلى عشان الرسوم اللي عليها !... وهذي القناة حقت اطفال ..المفروض مافيها هالسوالف ..وش بقى للقنوات التافهه من طقت غنـوة وووغيرها ؟؟؟!
وطبعا هالكلام ينطبق على طيور الجنة وكراميـش .......
:: يـــــارب ان شاءالله أكون قدمت لكم شي مفيد لكمـ ولأولادكمـ ... ::
وانا متأكدة ان مصلحة اولادكم تهمكم لذلكـ احرصوا على متابعتهم عند مشاهدتهم لهذه القنوات حتى لو كنتي تعرفينها مسبقـاً ...:26:
طبعا هذا اللي اعرفه من قنـوات حالياً ... وان شاءاالله الموضوع متجدد
كل ماعرفت قناة جديدة باذن الله راح احللها وانزل لكم تحليلي:22:
في النهاية : اتمنى التفااااااااااعل ...واذكركم الموضوع متجـدد
Pinky Bride @pinky_bride
محررة
تحليل لقنوات الأطفال .. طيور الجنة,كراميش,براعم,سبيس توون وغيرهـا ...يهمك عزيزتي الأم
152
35K
يلزم عليك تسجيل الدخول أولًا لكتابة تعليق.
انا عندي طفل عمره 3 سنوات ونصف .. يتابع قناة براعم قناة هاااادفه وبرامجها حلوه .. تعلم منها اشياء كثيره واثرت في كلامه و صار يتكلم عربي فصيح ..
قناة سبيس تون يشوف فيها بعض البرامج والقناة حلوة ..
قناة طيور الجنة ما عجبتني احسها ترديد اناشيد بدون هدف .. و حسيتها ازعاج وحذفتها ..
قناة mbc3قناة برامجها غير جيدة .. وتحمل مفاهيم خاطئة .. وانا حاذفتها ..
قناة سبيس تون يشوف فيها بعض البرامج والقناة حلوة ..
قناة طيور الجنة ما عجبتني احسها ترديد اناشيد بدون هدف .. و حسيتها ازعاج وحذفتها ..
قناة mbc3قناة برامجها غير جيدة .. وتحمل مفاهيم خاطئة .. وانا حاذفتها ..
طوق أحمر :لا يمكنك مشاهدة هذا التعليق لانتهاكه شروط الاستخدام.
مشكووورة ع مرورك وردك ...
عموما ... انا نزلت موضوع عن القنوات بغض النظر عن الحلال والحرام في موضوع الموسيقى
انا اعرف الحكم ... لكن لو تلاحظين وتفكرين شوي ... صار في اشياء نخاف على عيالنا منها اكبر بكثييييير من موضوع موسيقى اطفال !!!! رجاء لااحد يغير الموضوع ...... انا مااتكلم عن موسيقى روتانا ولا ميوزيك ..انا اتكلم عن شي اسمه اناشيد اطفال ولاحظي كلمات الاغاني وبتشوفينها هادفة لكن اللي مزعجني تعلق اولادنا باللهجة! شكرا
عموما ... انا نزلت موضوع عن القنوات بغض النظر عن الحلال والحرام في موضوع الموسيقى
انا اعرف الحكم ... لكن لو تلاحظين وتفكرين شوي ... صار في اشياء نخاف على عيالنا منها اكبر بكثييييير من موضوع موسيقى اطفال !!!! رجاء لااحد يغير الموضوع ...... انا مااتكلم عن موسيقى روتانا ولا ميوزيك ..انا اتكلم عن شي اسمه اناشيد اطفال ولاحظي كلمات الاغاني وبتشوفينها هادفة لكن اللي مزعجني تعلق اولادنا باللهجة! شكرا
الصفحة الأخيرة
انتبهوا يابنات
اذا الطفل تعود عالموسيقى مارح يستمتع بالأناشيد او الأفلام الا بها
ومن شب على شئ شـــــــــاب عليه
ياليت تحطون تحليل عن قناة المجد لأني ناويه اجيبها لبنتي ...
بصراحة احلى مافي المجد ماكو موسيقى فيها
وهاااااااادفه كما سمعت ..