هو أصلاً نصيب .. و حتى لو قررتي تتزوجين محد يضمن ان بيتقدم لك شخص صاحي


عشان كذا الذكية الي اذا تقدم لها نصيب صاحي ، تنتهز الفرصة ، وتتوكل على الله و تاخذه

قلتيها أفكار سلبية إذاً تجاهليها
لو كل واحد فينا تجاوب مع أفكاره السلبية ماتقدم خطوة للأمام ...
ولو خاف من الفشل ماحقق نجاح واحد بحياته..الخوف يأسر الإنسان ويحشره بزواية فتحرري من مخاوفك
ثم معادلتك مجحفة نظرتي للجانب السلبي واعرضتي عن النماذج الجميـلة و الناجحة.. ويا كثــرها
وطبيعي ان الناس اذا تكلمت في موقع ومنصة الحديث الظاهر هو الكلام عن المشاكل.. رغبة في الحلول ..
اما المرتاح فماهو بحاجة للحديث لأن مافيه عنده مشكلة يناقشها ...
ثم ان الناس تحب التذمر والتشكي واغلب المتزوجات تتشكى وتضخم الموضوع وبعد يومين تنزل في الحالة زوجي حبيبي الله لايحرمني منه وجنبه قلبه مغروس بسهم ههههههههه حركات "حريم "
بعدين لو جلستي مع نفسك بتلاقي الناس تتذمر من كل حاجة فهل من العقلانية تتركين كل هدف عندك لمجرد فلان تذكر وتشكى منهاوتخلين تجربة غيرك تحكم حياتك ؟!
معليش هذا جنون وخلل عندك يحتاج معالجة ...
لاتخلي هذي المخاوف والقلق تحرك مصير حياتك وتطير منك فرصة ربما تكون ذهبية ورائعة ،، اذا جاك خطيب صلي استخارة
واجلسي مع الرجل استكشفي منها شخصيته وعقليته حتى وساوسك هذي تطير وتتلاشى
والله يرزقك بزين الرجال وخيرتهم ....
وكثير من الرجال مازال فيهم الخيير والارتباط بمثلهم نعمة وفضل من الله
الله يوفـقك .

انا بكل صراحه لو يرجع فيني الزمن ماراح اتزوج بكل امانه

الحريم يكتبو المشكلات بس الاشياء الايجابيه مايذكروها

الزواج مثل العزوبيه فيه ايجابيات وسلبيات لكن صدقيني ياكثر المتزوجات السعيدات والله العظيم فيه متزوجات عايشين ف سعاده ماتتخيلينها ماشاءالله الله يبارك لهم ويسعد الجميع وحتى العزوبيه فيه بنات بدون زواج وعايشين ف هم وتكد ومشاكل يمكن او اكيد الزواج ارررحم اختاري الشخص الصح بالعقل و تزوجي وافرحي الله يبارك لك ويوفقك
تخيلي لو تجيك وظيفه وتسمعين اللي يشتكون من وظايفهم ومدرائهم وزملائهم وضغط العمل هل بتسمعين كلامهم وترفضين الوظيفه اكيد لا بالعكس بتفرررحين بالوظيفه هذا مثال بسيط مافيه شي ف الحياه خالي من المشاكل من الصعوبات من الاختلافات لكن الشخص يحاول يمشي اموره ويعيش بسعاده وينجح 🤍