تحملوني اخر موضوع ، محتاجه افضفض

انا ما كنت اتوقع اني بيوم من الايام اكون ارمله , انا تكلم عن تفكيري المحدود يعني كنت متخيله انو بنعيش سوا الين نعجز سوا والموت اعرف انه سنة الحياه لكن البشر ينسون ؛ اللي بينا مو حب عابر ولا يمكن يتعوض ابد ،، انا اشوفه في وجيه الناس كلهم لدرجة اني اتخيله قدامي والله يابنات ابغى اصبر واصبر عشان لا اضيع اجر المصيبه بس ضعفي دمرني واخاف اغضب ربي : رغم اني صرت احاول اشغل نفسي واحفظ سور من القران وخبيت اغراضه. عني واهتم بابوي وامي ادخل المطبخ اطبخ ما تحصلوني الا وانا اشاهق بالبكاء حتى لمن رشيت من عطري اللي كان زوجي يمدحه انهرت وبكيت تذكرت مدحه لي لامن رشيت منه ، الفقد مؤلم يابنات جعلكم ما تذوقونه خاصه اذا كان زوجك تحبينه وكنتي عايشه اميرة بقلبه وهو يحبك وطيب وحنون ومالي حياتك آمان الله يعوض شبابه بالجنه ويجمعني به هو قبل يتوفى كلمني وبعدها. بعشر دقايق وصلني خبر وفاته كان ثاني ايام عيد الأضحى وطلعت من بيتنا بالشارع زي المجنونه ما حسيت الا اخوي يسحبني ويرجعني داخل وبعدها ما حسيت بنفسي ورحت اشوفه شفته ميت يابنات وجه ابيض منور مبتسم وكان جسمه بارد كنت ابي اغسله ومنعوني ودعته يابنات وداعنا الاخير وسلمت عليه اخواني كانوا يسحبوني سحب ما ابغى اتركه ماسكه فيه وطلعوني بالقوه ورجعت البيت الدنيا سوداء مكسوره وماني حاسه برجولي للحين احس رجولي فيها شئ مو طبيعي اللي اتذكره اني كتبت لكم بالمنتدى والحريم داخلين خارجين وانا ماسكه الجوال ودموعي تنزل ع الجوال وبعدها جاني ضحك هستيري قدام الناس وبعدها بكااااااء كان عقلي مو معي وماني مصدقه اللي صار اقول يمكن حلم الحمدلله على كل حال ، يارب قو ايمااااني بك وبقضاءك واجعلني صابره محتسبه
ًِِ.