تحملوني بسرد قصتها..وساعدوها لاهنتو

السلام عليكم ي حلوات ان شاء الله يارب دوم مبسوطات وبصحه وسلامه ..

جيت اليوم لكم بقصه صاحبتي الي كل يوم تكلمني وتشكي لي ربي يكون بعونهاا وبحاول اختصر ...
واتمنى ماكون طولت عليكم ومللتكم.
قبل تقريبا سنه او سنتين بدت اكتشافاتها لخيانه زوجها في ألجوال والنت مع بنات وغيره حتى من خارج السعوديه في البدايه صارحته وناقشت الموضوع معاه وكعاده اي رجل نكر هالشي وقام يسكر جوالاته برمز وكل شي ب الساكت من وراها..
لما جات فتره وكشفته ع برنامج يطلب الزواج مسيار او حتى شرعي وكان جاد في الموضوع لانها اختبرته برسايل في هالبرنامج وتواصلت معاه ع انها غريبه ووصلت فيه اداها رقم والدته من شان يتم الاتفاق ..
بعدها انسحبت من هالبرنامج وكملت حياتها كأنها موشايفه شي ..لما صار عنده اكثر من جهاز وبرامج وواتس مليان بنات من كل الدول ووصلت فيه يكلمهم كل ذا تعرفه من وراه وليومكم ذا ساكته ع اساس انها غبيه وهو مستغفلها..
السكوت ذا مو لله لانها تقول موحابه تتصرف تصرف طايش وتخرب بيتها فللحين محتاره شنو تسوي معاه..
اخر اكتشاف لها قبل كم اسبوع لقته يراسل وحده ويكلمها وله فتره معاها وقريبه من المدينه الي هم ساكنين فيها البنت تطلب زوجها يجيهم ويخطبها والزوج يعطيها امل ب الزواج وانه يحبها ويبي يقابلها ويبي لها صور ..
وهي خايفه لانه بين كل فتره وفتره يروح لهالمدينه وقلبها حارقها عليه ماتدري شنو عنده هناك ويرفض ياخذها..
كل ذا وهي حامل المسكينه غير الي عندها وصابره ماتبي تخرب بيتها وتضيعه وهو مو حاس فيها ابد فتقول بصبر لما وقت الولاده واحط اخر قرار لحياتي معاه..
المشكله الي ابيكم تركزون عليها دايم اسبابه لها وللبنات الي اكتشفت انه يراسلهم يشتكي لهم من برود زوجته والفراش وانها ماتبي وهيك اشياء..
لكن هو بذا الشي تقول انه كذاب مو مقصره بهالشي معاه لكنه مايبي الحلال ....فهمتوا علي ..تقول كل يوم يطلبني الحرام ومااسمح له ويزعل عليها لما كانت تسأله شنو السبب الي يخليك تطلبني الحرام وانا مارديتك عن الحلال كان يقول وسع وهي اصلا ولاده طبيعيه ماولدت لكن عشانه سوت المستحيل عشان يضيق بعدها قال لا عشان انتي ماتبين حمل ونستخدم العزل الطبيعي مع العلم هو الي مانعها من حبوب او غيره ورجعت اخذتهم غصب عنه عشان يرجع للصواب وبعدها قال ابيك تحملين لانه شافها خايفه من الحمل وماتبي فقال حركه اني اجبرها توافق ع الحرام ولا تحمل فهي رفضت وقالت انا مستعده احمل لما شافها كذا طلع فيها عيب عند اهله انها ماتحمل وكان يكمل عزل طبيعي عشان ماتحمل.. لكن ربي اقوى منه ومن افكاره السيئه وجا ذاك اليوم الي حملت فيه الله يتمم لها ع خير ويسهل عليها.. صار بعد كذا يحاول يستفزها ب الجوال ويطنشها ويجلس ع جهازه ..يحاول يشككها في نفسه ويهجرها في الفراش وينام لوحده كل واحد بغرفه ويحرمها احيان من اشياء تحبها واخلاقه تقلب عليها المسكينه ويطلع من البيت ويهددها ب الزواج وناكر كل معروف وجميل لها ويطلع عيوبها عندها وعند اهله لدرجه اهله صاروا ضدها بكل شي عكس حياتهم قبل وحبهم لها صارت هي الغلط وهي الناقصه وهي الي مهمله بيتها وزوجها في نظره هو واهله كل ذا عشان رفضت الحرام وهي كل ذا ساكته وماتناقشت معاه ابد ومايدري عن الي شايفته ولايدري ع ايش هي تخطط ع باله هي بريئه مو فاهمه شي ..تقول اني تبلدت خلاص ومصدومه من الي شافته وعاشته ماعندها اي رده فعل لانها تبي حلول وتفكير سليم ماتبي تخسر بيتها واذا مافيه امل تقول خلاص بتركه وكلن يروح في حال سبيله ..

ادوني حلولكم لها وارئكم ربي يسعدكم ويسخر لكم ازواجكم ..دعواتكم لها