تحملوني قليلا انا زوجه جديده لا اعلم أين الصواب

السلام عليكم
أخواتي
لدي خبره ناقصه في التعامل مع الزوج لا اعلم لماذا
أولها
المصروف
اشعر ان المصروف الي يعطيني لا يكفي ويقول وراه مدرسين و أبحاث وبيت و مصاريف يقول هذا الي يقدر عليه
والصراحه يبقى معي جزء من المال للشهر الي بعده
كثير حريم نصحني يقولون قولي له لا ما بقى معي ولا ريال خذي منه
فلوس وانا الصدق ما اقدر اكذب و بعض المرات اقضي عصير و لا خبز
من مصروفي الزائد لان هو طالبه و مشغول

الشي الثاني
هو إنسان فوضوي و انا إنسانه مرتبه و دائم ارتب له أغراضه
و افهمه كيف يرتبها و بعض المرات تتجاوز و انا أرتبها عنه
تعبت اليوم و زعلت و تخاصمت معاه وقلت له حرام عليك ساعدني
في كل مره ع هذا الحال
أزعل و يجلس يراضيني و يرجع للخطأ
ويقول كل اسبوع أجيب لك شغاله تساعدك
مو معقوله اخلي الشغاله تفتح دولاب الملابس و ترتبه

أخواتي ما أنكر هو إنسان طيب و ابن حلال
وراه مصاريف و داسه و ديون
وكل ديونه بسبب زواجه الاول انا مالي ذنب فيه وما استمر زواجه كم شهر و طلق
ويحاول يصرف علي و يرضيني بقدر استطاعته بسً برضه احس بالنقص

ثالثها
كمان دوم يشوف أشعار في زواج في اليوتوب
وقصور و فن لانه يحب الشعر
انا انقهر انه يتابعها احس بالنقص و الفرق بين زواجي و هذي المقاطع الي موجوده بالنت
وهو كان عايش الوضع و الزين و الإسراف بزواجه الاول وانا لا
فأحقد عليه و اقوله قوم قفلها انا ما أطيق اشوفها و لا أسمعها

رابعها
احس اغلب وقته ع الواتس أب او الأيباد كان يمسكها بخفه اول الزواج
اللحين طول الوقت بيده و احس الصمت ملازمنا
دوم اقوله اتركها خلنا نسولف يقول انا متضايق من الدراسه و طفشان



احس كلامي ملخبط تحملوني والله مالي غيرك ينصحني

ابغى حل احس ان داخلي بركان و بينفجر