ما كنت برد بس شفت بعض الردود وحبيت اوضح 
تاخين من موية التمرة مو تمرة انتبهوا مولود ما يقدر يبلع 
بس تنقعين الاصبع في الريق المحلى بالتمرة اللي لكتيها او تذوبين التمرة في موية وتاخذين من الموية باصبعك وتحطينها بفم المولود وهو بيمصها او تدورين اصبعك بفمه بس انتبهوا اهم شيء غسل اليد بمعقم قبل التحنيك

ههههههههههه وازيدكم من الشعر بيت احيانا يوصي الي يحنك وسبحان الله اغلبهم يتمسكون بألوصيه والله خالتي حنكت ولد ولدها ومن ضمن الوصايا قالت اسرق بوك ابوك وجيبيه لي اقسملكم بألله يبنات والله انه سرق بوك ابوه وجابه لجدته حتى في وحده من خالاتي عوبه مره وكل البنات الي حنكتهم عوبات مره نفس مواصفاته فصرت دايم ادور الهادي المصلي بحنك عيالي خصوصا بعض الشيبان الي فيهم وقار وشخصيه لاتضحكون علي بس والله عاده معروفه عندنا

افيدوني يابنات
يعني اروح لوحده تحنك ولاعادي انا اسويها؟

وهل الغرض بس ينحط التمر في الفم ولا لازم يتم الضغط على الحنك لاعلى؟


الله يسسعد الي تجاوبني

بنات لاتستهينون بالتحنيك انا ولدي ولدته خديج بالشهر الثامن وفعلا صارت له تشنجات بعد الولاده سببت له شلل دماغي للأسف ماعرفت فوائد التحنيك الا لما صار عمره 3 سنوات يعني لو ادري ان اللي بيمنع اللي انا فيه الحين من تعب وعلاج طبيعي ومراجعات معاه تمره والله ماتأخرت فيها بس الحمد لله قدر الله وماشاء فعل...
الحين حامل وبإذن الله راح احنك وافضل التحنيك بعد الولاده على طول وقبل الرضاعه اتمنى تشوفون مقاطع الاعجاز العلمي في التحنيك للدكتور زغلول..

بنات بنتي عمرها شهرين عادي احنكها؟
وصح يكون اربعه مرات؟