كيفكم بنات شلونكم وعلومكم ،،،،،،،
خلّونا نفيد بعض ً،،،،،
العضوات الي كانوا ساكنين ايجار وربنا أكرمهم ونقلوا لبيت ملك ،،،،
كيف كنتوا راسمين للمستقبل ،،،
ايش الصعوبات اللي واجهتكم ،،،
كيف قدرتوا تجمعوا فلوس وبنفس الوقت ماتبخلون على انفسكم وأطفالكم
بالنسبة للترفيه كم تخصصوا مبلغ له ،،،
ولو كان دخلكم بحدود 7000 كيف تقدرون ترتبون حياتكم على اساسها ،،،
وكم من الزمن استغرق تحقيق حلم البيت الملك
اختكم في الله محتاجه نصائحكم
11eza @11eza
عضوة نشيطة
يلزم عليك تسجيل الدخول أولًا لكتابة تعليق.
الجمعيات ياطويلة العمر هي القطيات
مثلا 10 اشخاص اتفقوا ان كل واحد منهم يدفع 1000 شهريا المجموع 10آلاف ويستلمونها بالدور شهريا كل شهر واحد
بس التسميه تختلف من منطقه لمنطقه بمصر يسمونها جمعيه وعندنا يسمونها قِطّيَه ْ
مثلا قطية الدوام / قطية الاستراحه / قطية السفر الخ
مثلا 10 اشخاص اتفقوا ان كل واحد منهم يدفع 1000 شهريا المجموع 10آلاف ويستلمونها بالدور شهريا كل شهر واحد
بس التسميه تختلف من منطقه لمنطقه بمصر يسمونها جمعيه وعندنا يسمونها قِطّيَه ْ
مثلا قطية الدوام / قطية الاستراحه / قطية السفر الخ
الصفحة الأخيرة
7000 -4500= 2500
1) 2500 *10=25ألف جمعيه تستلمونها الأول وتسكرون اقل الديون أو أقل الاقساط ب10آلاف
بهالطريقه بيتحرر لكم جزء من الراتب 1000ريال فانتم اولى فيه وادخروه بحساب لين تنتهي الجمعيه
+
2)15ألف مصروف لبس وأكل وبنزين لكل شهر 1500 لكل اسبوع 300/300/300/400
و200 طوارئ ولومااحتجتوها فحولوحا لحساب الادخار
وبهالفتره تشترين جمله معلبات منظفات خيشة عيش وسكر وطحين وغيارات للعيال
انجازاتكم خلال هال10 شهور:
جمعيه سكرتوا فيها دين +حررتوا 1000 من الراتب وادخرتوها وصارت10آلاف بحسابكم +2000 الطوارئ لوماانصرفت =12000ألف ادخار صافي
برمجتوا مصروفات الأكل الاسبوعيه فتشترين على قد جدول طبخاتك وبس
وهكذا كل 10أشهر جمعيه وسداد وتحرير جزء من الراتب وادخاره
أو
تقاسطون بهالجزء أرض وتقاسطون بجزء بناء طابق واحد قد احتياجاتكم
شنو احتياجاتكم :
حديقه / مسبح الباقي صاله كبيره ويقسمها الديكور بالواح جبسن بورد لصالتين وغرفه لك وغرفتين للعيال ومجلس رجال
وتسكنونه خلال شهور وصلى الله وبارك
أما لوبتنطرون مليون للأرض ومليون للبناء ومليون للديكور وتبنون مالاتحتاجون من شقق بحجة اذا اكبروا العيال وبحجة الاستفاده من تأجير الشقق
فهذا موطموح سكن واكتفاء وراحة بال وجنه صغيره
لكنه مشروع استثماري جبار مهما حطيتي عليه من القروض ماراح تستفيدين لسنوات ضوئيه واللي تستلمينه من المؤجرين بتدفعينه للبنوك
وهذي غلطة كل اللي يتمنون السكن انهم مايكتفون بفكرة انه سكن ملك وانه احسن لهم من الشقه والتنقل لا يبونه مجمع سكني لزواجات عيالهم والمؤجرين
ولو انه استقر بسكن مريح على قد امكاناته وتوبك اموره وضبطها
فيقدر يدخر ويشتري لعياله ارض ويبني كل سنه دور ومحل لواحد منهم وهكذا
لان الجمعيات بعد مايقفل قروضه بتصير ادخار حلو وكل كم شهر انجاز
وطبعا أي شي فيه فلوس يبي له التزام بحسبه دقيقه وخطه واضحه وبناء موفر موأطنان حديديه واسمنتيه
مثلا الواجهه والجهات زجاجيه اوفر من الاسمنتيه اللي تحشر الهوا فلاهو يتجدد ولايدخل ولايطلع
وستاير بلاك اوت عازله اوفر للكهربا من القماشيه
ديكورات وجدران الواح الجبسن بورد اوفر من الجدران الاسمنتيه
مطبخ مطل على المعيشه من جهاته اوفر من مطبخ مغلق
وهكذا فيكون هو بيت هو استراحه مكان هادي وحلو ويبهج وموفر حتى وقت تأثيثه
بس اللي اشوفه ان الناس تقترض وتدفع اموالها فوايد ربويه وتخلط الحلال بالجرام بس علشان يبني كوكبه الاسمنتي مليون دور ومليون شقه
بوقت هو بيقزر سنينه بصالته وغرفته وبس
ومافكر انه لو الله اخذ امانته بلحظه انه بيتحاسب عن القروض ورباها اولوفنش اولوحصل له حادث يمنعه عن لايسدد لاسمح الله
والله ان الله رازق الكل بس محد يخطط لحياته الماليه وراحته ويبّدي سياره ام 190 ألف على أرض ب90ألف وأساسها ب100ألف
ويبدي قصر أفراح ب30ألف وبوفيه ب20ألف وكله ينقط ويفوز بآثامه ويمحق بركته
فحياته الماليه ماشيه من غير تخطيط وأهل العروس يوجهونه براحتهم ويختارون له الحجوزات ويتشرطون عليه هداياهم بعد
وكل مااطلبوا شي اقترض علشان يرضيهم لأنه حياوي ويستحي يجادلهم ويناقشهم ويصارحهم بخطته وامكاناته
مع انه متزوج بس بنتهم ومسؤول عنها هي وبس والمفروض يصارحها بكل هذا من بداية الخطوبه
وبعدها هي وهو وعيالهم يدفعون الثمن
فلايقدرون يسافرون ولا يمتلكون ارض ولاولا
وتعالي نحسبها:
خطوبه وهداياها وحفلاتها من 30:40ألف مهر كاش من 50:80ألف+قصر أفراح وبوفيه وعصاير وتقديم ودي جي وطقاقه كاش من 40:50ألف
+مسائيه صفاقه وذبايح من15:20ألف + تأجير شقه وتأثيث واجهزه من 30 :40ألف
المجموع كاش مكيش من 220 :250ألف وبالواقع الزيجات تعدى 350ألف قيمة بيت كاش صغير وببعض المناطق تجيب بيت اكبر
يبدا منه وبعده يدفع مهر وحفلة زواج عائلبه وشهر عسل والدنيا حلوه
فيستفبيد من قروضه بهالطريقه دامنه مقترض مقترض
فلو نصحتي خطيبك بهالشي وقت الملكه
بتعدل الامور والكل يصبح مالك له بيت يحط فيه محل مصبغه مخبز خياط مشغل الخ
الصور للتشجيع لان هذا البناء المثالي للاسر الجديده اللي زواجهم من 10 سنوات واقل
ويارب يحقق لك كل امنياتك ويسعدك بالدارين