صباح/ مساء الخير لكل صبايا عالم حواء
هالموقع صار جزء من حياتي مستحيل يمر يوم ما أتصفح فيه
بصراحة لكم علي فضل بعد الله
استفدت من تجاربكم بكل قسم وزاد إصراري
انو اكوووون سنعه >>>حطو تحتها 100 خط
لاني كنت ببساطه كسوله وعجازه على قولت أمي
قبل كم سنه نزلت هنا موضوع اشكي فيه حالي
وماقصرو البنات معاي الله يرضى عليهم
وكانت بمثابة الانطلاقة لحياة جديدة
وبنفسيه جديدة
^
^
^
^
^
^
^
طولت مقدمتي
المهم حبيباتي سويت نظام او جدول تنظيف عشان مااكسل ابد
وكان بحكم عدد الغرف عندي بالشقة
واهي 3 غرف وصاله وحمامين ومطبخ طبعا تقدري تعدلي بالجدول بلي يناسبك
وتركم مع الجدول
يوم السبت
غرفة المعيشه
ترتيب عادي
ثم نفض الغبار من الغرفة
ترتيب ومسح طاولة التلفزيون من الداخل والخارج
تنظيف المكيف والشباك والجدار والباب
نفض الستاير والجلسة
كنس الغرفة
مسح السجاد والجلسة بماء وصابون
ثم تبخير الغرفة ورشها بمعطر
________________________
يوم الأحد
الصالة
ترتيب الصالة ترتيب روتيني وكنسها
غسل السجاد سوا بالبيت او إرسالها لمغسله
تلميع التحف واللوحات ونقلها من الصالة
نفض الكنبات والستارة
واسحبها من الصالة
فك المكيف والشباك وغسيلهم بماء وصابون
مسح الجدران والأسقف ومفاتيح الكهرباء والأنوار
غسل الأرضية بماء وصابون ثم بفرشاة أسنان مشبعه بالكلور ننظف الفراغات اللي بين السيراميك
ومسحها بماء مضاف له مطهر داك (أي نوع تفضلين)
مسحها بفوطه نظيفة
وإرجاع الكنبات والسجاد وترتيب الطاولات والتحف بمكانها
وأخيرا رش الكنبات والسجاد بمعطر
ثم تبخيرها
___________________
يوم الاثنين
غرفة النوم
تنظيف عادي
فرز الملابس الى قسمين
(اللي اااحتاجها) أعيد ترتيبها .
و(اللي ماابيهاا) أتخلص منها سوا بالتبرع بها إذا صالحه للاستهلاك او رميها إذا باليه
تنظيف الدواليب وتعقيمهامن الداخل وترتيب فيها الملابس.
ونفس الشي مع باقي أدراج الغرفة
انفض الغرفة من الغبره وتلميع كل الأثاث
والستارة أطلعها وأغلسها
وأغسل الشباك والمكيف
وامسح أسطح الأثاث بملمع الخشب والمرايا والزجاج بملمع الزجاج
ثم اكنسها
وأغير المفرش وأبخرها
____________________
يوم الثلاثاء
المطبخ
تنظيف المطبخ تنظيف روتيني حتى تسهل علي عمليه التنظيف العميق
تنظيف وفرز داخل الدواليب
غسل الأواني وتجفيفها واعادة ترتيبها
وتلميع تعقيممن خارج وفوق الدواليب
غسل الشباك ومروحة الشفط
وتنظيف الجدران والأسقف
تنظيف عميق للفرن والثلاجة والأجهزه الكهربائية والميكروويف والفرن الكهربائي
كنس وغسل الارضيه بماء وصابون وكلور
ثم بماء ومطهر ثم تجفيفها
وتشغيل فواحة برائحة حلوه مثلا فراولة او فانيلا
_______________
يوم الأربعاء
المجلس نفس طريقة تنظيف الصالة
وتنظيف الحمامات تنظيف عميق تشمل مراوح الشفط والسخان وصنابير الماء والأسقف والشبابيك والأرضيه والبانيو والمغاسل
____________
وبكذا يكون بيتك نظيف بصح وصحيح خلال أسبوع وبدون تعب
وبعدها بشهر تعيدين أسبوع التنظيف
المهم بعد هالطريقه تحافظي على بيتك نظيف وبكذا يسهل عليك التنظيف اليومي
إذا أعجبكم جدولي قولولي انزل لكم جدولي اليومي
ولاتنسوني خواتي الدعاء لي بالحمل القريب و بالذريه الصالحه
00000000
يلزم عليك تسجيل الدخول أولًا لكتابة تعليق.
الصفحة الأخيرة
نزلي جدولك اليومي عشان نستفيد
بس لي راي بسيط ليش ما تخلين التنظيف كل غرفة يوم في الاسبوع ولا تحكرين التنظيف مرة في اسبوع عشان ماتملين