آآآآآآه لقيت هذي الصور بموقع ... وذكرت التطعيم بالمدرسه وانا بالابتدائي ..
عاد قلت خلني اقولكم على موقفي اللي يفشل ،، بس الخوف يسوي اكثر ،،
كنت بسادس .. جالسين بالفصل ,,, وتدخل الابله وتقول يالله طوابير
وانزلوا معي للاداره ،،، طبعا اخفت السبب ،،
وحنا على بالنا المديره تبينا بموضوع مهم :22:
يوم اقبلنا على الاداره الا الريحه اللي سببت لي مغص شديد وهلع ..
وبدينا اللي تبكي واللي بتهرب .. وتجي المديره وتقول خلاص الكل بيطعم
الا حالتين المريضه وتجي عند الدكتوره وتكشف عليها ..
والحامل وبس ... فاهمين الكل بيطعم ..
واللي مريضه توقف هنا عشان تكشف عليها الدكتوره ...
واجي بكل ثقه واوقف على جنب ..
قالت الابله شوفي لو الدكتوره بعد الكشف قالت مانتي مريضه ياويلك مني ...
قلت انا اصلا مو مريضه .. قالت طيب ليش ماتروحي مع صحباتك ..
قلت لاني حاااااااااااااااااااااااااااااااااااامل :icon32:
على بالي محد مكتشف كذبتي اللي ترقى الجبال ...
طبعا هاوشتني وهزئتني وودتني اتطعم :06:
الموقف الثاني بالمشاركه 2
كنت صغيره مره يمكن اولى او اصغر ..
ورحت المستشفى بيسون لي تحليل ،،
طبعا الابره بيعطوني ياها من الاصبع الدبة القصير :35:
يعني مو من الوريد،،، وانا اصلا ماادري ان في ابره من الاصبع ؟؟؟
وتمسكني الممرضه وتبدأ تفرك اصبعي وفي ممرض مدري دكتور واقف
ويقول يالله ائولي معايا ئشطه عسل ئشطه عسل ،،
وانا اقول بكل غباء قشطه عسل قشطه عسل ،، وجالسين نقولها ورى بعض ..
وفجاءه الا المجرمه يوم ضربتني الابره .. شعور مستحيل انساه مستحيل ،،
قلبي بغى يوقف من الفجعه واللي زاد المشكله اني مابكيت ..كتمت ..
بس نتايجها الى الان شوفوني عجوز الابره هذي مستحيل اضربها ..
مهما حاولوا معي .. اقول لا .. تبون وريد والا بلاش ...
مره كنت داخله بسوي عمليه ،، قبل تقريبا اربع سنوات
سويت كل اجراءت العمليه الا هذي الابره رفضضضضضضت بشده ..
والعجيب اني اصير جريئه والله اكبر راس مايقدر يغصبني :icon19:
يالله نبي مواقف لكم مع الابر .
قصة امراءه وزوجها ... كلها دقيقتين بس مؤثره ..
WIDTH=400 HEIGHT=350