تخبين حملك ... ما تقولي بنت والا ولد ..طيب ليه؟

صبااحكم عسل يا كروشااااات

والله يسهل عليكم ويتمم لكم على خير


يا بنات حصل لي موقفين وابغى اشوف ردودكم

الموقف الاول لحماتي
هي سليمه ماشاء الله ولا تعاني من اي شي عشان نقول والله الناس حاطه عينها عليها
او تاخرت 7 سنين وفجاءه حملت
او تحمل وتسقط
و وولدها في عمر انها تحمل عليه لانه كبير محد بيستغرب اذا حملت
وبعدين حتى البسه تحمل وتولد

ما علينا

طبعا حماتي علاقتي فيها احلى من العسل ومافي منها
امس دريت انها حامل ومن زوجي اللي هو اخوها هو اللي قالي انها حامل وانها توها ماخذه التحليل
باركت له

بس ما دقيت عليها ولا قلت لها لو تبغى تقولي كان قالت لي

جات عندي بالليل وجلست وما قالت اترى عادي ما يزعل الموضوع هههههههههه وماراح احسدها

اليوم الصباح اسولف معاها الا تقولي انا حامل من 4 شهور بس مابي اعلم احد
عاد انقهرت انا احين صرت احد
عاد القهر ان انا وزوجي فاكين المانع من هالشهر وقررت اني لو حملت ما راح اخبر لا زوجي ولا اهله
زي ما يسوون بسوي ومحد احسن من احد


الموقف الثاني من صديقتي وروحي وحبيبتي
هذي اللي يسمونها اخت دننيا

اللي صار

انا حنا 4 بنات زميلات كلنا حملنا بنفس الفتره الفرق بينا شهر او شهرين بدون تخطيط :hahaha:
وكل وحده تحكي عن حملها و عن جنس البيبي وتجهيزاتنا

الا هي قالت ما راح اقولكم انقهرنا كلنا ترى ماراح تجيبين شي شاذ عن القاعده يا بنت يا ولد
قلت يمكن ما تبغى تقول قدامهم

وبتقولي بعدين
وسالتها بعدين قالت ماراح اقولك خليها لك مفاجاءه هههههههههه ضحكت من جد ضحكت
قلت ترى سالفه المفاجءه ذي من زوجك مو معانا
ترى احنا ما تفرق عندنا جبتي بنت والا ولد لان في النهايه كلنا حمل والحمدلله



واحين جد اابغى اعرف ليش تخبين حملك
وليش ما تقولي نوع الجنين


عن نفسي اول شهر حملت فيه خبرت الكل
ويوم اللي قالت لي الدكتوره ولد اي احد يسالني اقول اللي ببطني ولد