صدق إني احترت بأمر صديقتك هذي !!!
كيف تبغى مشاورة ونصائح بكلام يطير العقل من الراس!!!!!
يعني يسب اهلي ويكرههم ويبغى يذلهم وناقص ومقصر ومش رجل حتى الشبكة والمهر يماطل فيهم وهمه الوحيد كيف يقهر هالأهل اللي كل ذنبهم بالدنيا إنهم سمحوا لواحد ناقص قليل الحيا مثل هذا انه يدخل دارهم ويناسبهم ..

خلها تتفل عليه (حشا القارئين) وتلحشه وتسد الباب وراه وخليه يدور على وحدة قليلة اصل مثله ترضى فيه وبأخلاقه الشينة .. هذا إنسان مش متربي ببيت أكيد متربي بمزبلة بين الوحوش والضباع ..

الأهل ما يتعوضون أما الرجال فيتعوض بالأحسن وإذا ما فيه نعيش بدونهم بس ما نقدر نعيش بدون اهلنا او نعيش وإحنا نحمل غضبهم علينا ليوم الدين .. رضا الله يا عزيزتي من رضا الوالدين .. خلها تجيبه عندهم على البيت بحجة إنها تريده وبعدين وقدام اهلها تقوم وتحب على راس امها وابوها وتقوله قدامهم اللي يرش اهلي بماء الورد ارشه بالدم .. وهذا خاتمك (إذا كان جايبلها خاتم اصلاً) وما اريد اشوف وجهك بالمرة هذول هم اهلي وربعي وناسي وإنت ما لك مكان معنا وبيننا ..

السلام عليكم
انصحها بعدم بعدم الزواج بهذه الاشكال لا يملك المال ولا الاخلاق ولا الحلم ولا الشهامه
كيف ترضى ان تكون زوجه لمثل هذا الرجل ..
اخيتي انصحيها تفكر بعقلها .. هذا زواج ومستقبل وعيال ... اذا من بدايتها مايبي اهلها وشكاك كيف اذا ربي كتب نصيب تحرم اطفالها من رؤية اهلها .. ام ستعيش في براثم الشك ...
عليها بالاستخارة ...
الله يسخر لها الزوج الصالح

لا والله تختار اهلها واهلها واهلها


وهو ما يستاهل


والله زين يطول لسانه على اهلها اجل بعدين لاصارت يبنهم مشكله خصوصا ان الحياة الزوجيه لاتخلو من المشاكل وش رح يسوي فيهم بالتالي مارح يشوف لها سند

وصدقيني هي اللي مجراته عليهم لو\من البدايه اول مابدا يسب ويشتم قالت له حددك احترم نفسك ولا تتكلم عن اهلي وترى كرامتي من كرامة اهلي واحترام اهلي من احترامي كان ماتمادى اكثر

والله يعينها ويهديها للي فيه خير وصالح امين

الاهل ما يتعوضون بس الزوج يتعوض
اذا هو شافها الحينه اتخلت عن اهلها
يمكن اذا مل منها ويطلقها لا قدر الله
مالها احد تروح له فالافضل انها تختار اهلها
..

اخبري صديقتك قال سبحانة وتعالى(وبالوالدين احسانا ولاتقل لهما اف ولاتنهرهما واخفض لهما جناح الذل وقل ربي ارحمهما كماربياني صغير)من غير تفكير تختار اهلها لان الاهل مايتعوضون. ولو خيرش بينة وبين اهلش المفروض من غير ماتستشيرين اح تختارين اهلش هم سندش في الدنيا واللي مايحترم ابوك وامك مايحترمش حتى لوقال يحبش ولاتضعفين ولا تصير ين لعبة في ايدة يسب اهلش جدامش وانت ساكتة الناقص يضربهم بعد لاقدر الله .شوفي دوسي على قلبك ومافي شي اسمة حب اللي يخلية يهين اهلش حبيبتي اللي يحب مايكرة ويتمنى رضاش ورضا اهلش . خليتي نفسش مكانة شنو ردت فعلة وانت تسبين وتهينن اهلة . خبري صديقتك تروح الحين وتحب راس والديها وتطلب العفو منهم لانها محاسبة امام الله على فعلتها وتترك هدا الانسان المريض الحاقد والحاسد . لانش لوتميتي على دمتة راح يدلش وتكونين خادمة لة ولاهلة وماراح يخليش تشوفين اهلش .كم وحدة اعرفهم اختاروا شريك حياتهم من غير رضا اهلهم واللحين مندلين ومتبهدلين من اهل ازواجهم وماخد الثانية على راسه بعج العز والدلال اللي كانت تعيشة في بيت اهلها. توكلي على الله وتركية ودرب يسد مايرد.