تخرجتي ..؟؟ وجلستي باالبيت .؟ تعالي ابيك بكلمة راس

السلام عليكم

مثل منتو شايفين موضوع للعاطلات عن العمل زيي ولربات البيوت

واللي ماعندهم شغل غير غسيل وطبخ وبزارين وتنظيف وحاله

ولا جامعات قبلتهم :angry2: ولا وظايف وظفتهم ولا هم يحزنون :(

عندي لكم كم فكره حلوه ودي افيدكم فيها وابيكم تشاركوني باافكاركم الحلوه


الفكره الاولى

اذا جلستي فاضيه بوقت الصباح او العصر زوجك مداوم او اي شي <<< المعروف ان الازواج هذي اوقات دوامهم

طيب اللحين بيروح ويخليني انا وش اسوي ؟؟

1- ممكن تسوين لك شاهي او قهوه وملحقاتها وترتبين اغراضك وتروحين اي حديقه جمب بيتك <<<مهم تكون قريبه اريح وتحطين اطفالك بالمراجيح يلعبون واذا عندك شغاله خليها معاهم وانتي اجلسي امشي لك ساعه او قد ماتقدرين وممكن بهالوقت وانتي تمشين تقرين اذكار المساء او الصباح وتستغفري وتسبحي وتهللي وكل دوره القي عليهم نظره وتطمني عليهم والافضل ماتبعدي عنهم


منها :

1- تخففين وزن

2- تشمين هوا

3- عيالك يغيرون جو وينطلقون

4- تستفيدي من وقتك

5- تعودي زوجك على المشاوير <<< هذي اهم شي

وهالفكره ميزتها سهله وبسيطه وممكن يوميا تسويها << انا طحت فيها فتره وانبسطت عليها صرت يوميا ابي اطلع الحديقه حتى صرت احب المشي مع اني كنت اكرهه وصرت


فكره ثانيه

جيبي لك علبة الوان وكراسات رسم واجلسي ارسمي انتي وعيالك واذا اعجبتك رسمه علقيها بالجدار وممكن تسوين اعمال يدويه انتي واياهم عندك قسم الاشغال اليدويه فيه افكار مره حلوه

منها

1-تجلسي مع اطفالك

2- تتعلميهم اشياء جديده

3- تنمي هواياتهم وقدراتهم


فكره ثالثه

سوي لك يوم بالاسبوع اسمه يوم التمارين الرياضيه البسي بدله رياضيه ولبسي عيالك واجلسوا كلكم سوا تمارين

منها

1- تخففي وزن

2-تعودي اطفالك عالحركه والنشاط



فكره رابعه

انتي فترة الصبح فاضيه وماعندك شغل ولا مشغله تقدرين تسوين اعلان انك تستقبلين عيال المدرسات او الموظفات فترة الصباح وتاخذين على كل طفل مبلغ قولي تقريبا 500 ريال شهريا جتك وانتي جالسه ببيتك وعند عيالك وزوجك واذا عندك خادمه ممكن تجيبي اثنين او ثلاثه <<< بيريحونك من راتب الخادمه لو جبتي واحد بس دفع راتبها


منها

1- تساعدي زوجك شوي اذا ماديته على قده

2-او ممكن يكون الدخل للك انتي اذا كان ماعندك خادمه او زوجك مستغني عنه

فكره خامسه

اذا عندك هوايه مثلا تحبي تسوي حلويات او طبخات
ممكن تسوين لك اشكال غريبه وحلوه وتبيعيها وشوي شوي سوي لك منيو وشوي شوي سوي توصيل لين يصير عندك مطعم كبير


او اذا عندك هوايه الاعمال اليدويه والرسم سوي لك ملفات ودفاتر وكتب وكل هالشغلات واعرضيهم هنا بالمنتدى او اعرضيهم على المحلات



وو عندي افكار كثيره بعد بس اللحين مره فيني نوووم تكفون اذا اعجبكم الموضوع ادعوا لي الله يفرج همي