تخرجت ولا احد قالي مبروووووووووك

السلام عليكم
كيف حالكم يابنات إن شاء الله طيبين
اتوقع من الموضوع واضح تخرجت بعد عناء ست سنين من الجامعه والحمدلله تقدير زين رحت طيران اقول نتيجتي للكل طبعن قبل كذا محد كان يسأل عن النتجيه لأم ولا أخوان ولا حتى صديقات رحت وخبرت أمي عن اني تخرجت وجبت نتيجه الحمدلله مره زينه ماردت علي قالت زين تخيلوا رحت لأخوي اقوله نجحت..تخرجت جبت ممتاز مرتفع تدرووووون وش قاااااااااااال وربي قال وش اسوي لك انصدمت صراحه تفشلت من نفسي ومن اللي كانوا يسمعون حزت بنفسي دقيت على خواتي قلت إن شاء الله يفرحون وللمعلوميه محد سأل من قبل قلت نجحت قالوا كووويس <<<وربي الحين خانقتني العبره من جد المهم عندي صديقه مررره معاي كويسه دقيت عليها ولا ردت علي ولما ردت وقلت لها استغربت مافرحت عادي ماكانت احسن من ردت فعل الباقين حزت بنفسي كثير كان فيه بعد شخص مقرب لي وعزيز على قلبي كنت اتوقع يسأل عن نتيجتي ولما وصله الخبر ماكان احسن من سابقيه
بنات تعرفون انا كنت طااااااااايره من الفرحه اول ماخذت النتجه شكرت الله ونطيت من الفرحه لكن حسيتها انقتلت الفرحه اللي بقلبي المهم وحده من زميلاتي دقت علي تعزمني على حفلة تخرجها تقول اهلها طايرين تقول كل ماأنجح يسون لي حفله قلت لها من كل قلبي مبروك بس بعد حزت بنفسي مع أني والله أحبها وقلبي صافي بس تدرون غبطه فقط مو حسد..وياكثرهم اللي سووا حفلة تخرج من قرايبنا مع اني انا اللي جايبه امتياز وهم جايبين جيد جدا وجيد بس فرحت اهلهم بانت انا ماكنت ابغى حفلة بس كان ودي احد يفرح من كل قلبه ويقول مبروووك ياعمري تستاهلين..هديه صغيره رمزيه مو لازم غاليه..أهم شي اعرف اني شخص غالي ولكن الحمدلله على كل حال... بنات يمكن بعضكم يقول صدق هذي ماعندها سالفه تبغى تعيش جو حزن وبس بس ترى صعبه والله يعين المشكله مو بس هذه مشكلتي لا .. لو أقولكم شي تصدقون؟والله مابالغ تدرون اني من كثر ماأنا وحيده ولا اطلع ولا اجي ولا الي صديقات ولا احد يسأل عني واخر شخص ممكن يستشار في البيت ودايم المشاكل حتى لو مالي دخل فيها تلف ويحطوني السبب مالي غير الله عز وجل والله اني ارحم نفسي تعرفون قد أيش أرحم نفسي احس فرحي الحالي وحزني الحالي مالي غير الله عز وجل..ايه ممكن اقولكم ان شخص غير مرغوب فيه بتقولون ممكن أنتي السبب والله لا لو لي سبب تأكدوا انها نسبه ضئيله وإن وجدت ..على فكره ماأني راعيت مشاكل ولا احاول افتعلها احس قلبي امتلى هم..حزن..جرح وطلب الله انه يفرج همي..حتى اكثر الناس احبهم لما اشكيلهم عادي ولا كاني اشكي..فعلاً الشكوى لغير الله مذله..احيانا اطالع الناس وهم يضحكون اقول يارب ديم الضحكه عليهم وخلني اضحك مثلهم من غير هم..والله اني احبكم في الله والقسم هذا خاصه احب اللي يكتبون ويشاركون فيه ابغى منكم بس دعوة ان الله يفرج همي ويجعلني شخص محبوب ومبروك إنما كنت مو لازم يابنات تكتبون وتردون إذا متعجزين دعوة في ظهر الغيب

أختكم
حلوة الرياض