عذرا ممكن استفسار ..!!

هل بسهوله الواحد يلتحق بالبعثه اذا كان مرافق ..! من اول مايوصل مثلا ..!! او يقدم قبل او كيف ..؟؟

اللي معاه جنسيه امريكيه تفرق بالابتعاث ..؟؟

اللي ماعنده ميول لتصاميم بالحاسب ولكن ميوله فنيه بحته ويدويه يقدر يدخل ماستر جرافيكس ديزاين والا بيتعب ..؟؟ يعني حلاوته في ايش ..؟؟؟


سوري للاطاله بس بليز تجاوبوني طالبتكم لا تردوني الله يرضى عليكم ..

ماعندي فكره اسفه


طيب اذا ميولك فنيه بحته وماعندك ميول للحاسب بالمره ليش تدرسي قرافيك ديزاين؟
القسم يعتمد نصه على الحاسب ونصه على ميولك الفنيه
وبالنسبه للتعب والله مدري كل انسان وله قدرات لازم تجربي تتعلمي مباديء برامج التصميم عالاقل (فوتوشوب-اليستريتور-ان ديزاين- بريمير-فلاش..الخ الخ) وتشوفي هل انتي تحبي تكملي في هالقسم او لا.
احسن ماتبدي وبعدين تكرههي عمرك لأنه مثل ماقلت فوق بعض مشاريع التصميم تكون ضخمه (وانا اتكلم عن البكالوريوس على فكره اكيد الماسترز اصعب بكثير) وتاخذ معاك اسابيع شغل وان كنت ماتحبي البرامج ممكن تطفشي مره..

وبعدها لازم تشوفي الجامعات وايش طلباتهم لأني مثل ماقلت فوق الاقسام الفنيه تطلب اكثر من شهاده ولغه اغلب الكليات تطلب ملف اعمالك - البورتفوليو-


اذا كنتي مره ماتحبي الحاسب الحل الثاني ياقلبي انك تدرسي قسم فني بعيد عن الحاسب مثل Fine Arts او visual arts وبرضو متوفر ممكن يكون رسم او نحت او غيره وتقدري انتي تختاري المشروع اللي تشتغلي عليه براحتك..
بس مدري احس انه الاقسام الفنيه الغير تقنيه مجالها العملي جدا محدود


واللي اعرفه انه اي قسم فني سواء قرافيك ديزاين ولا غيره ماتشمله البعثه والله اعلم
بالتوفيق حبيبتي

رنيم

كيفك؟

حبيت اسأل ايش اسم الجامعه اللي تدرسي فيها .. اذكر مرة قلتي لنا بس ضيعت الرابط
لاني احب مجال التصميم وودي اكمل هناك
بس تحطمت يوم قلتي ماتشمله البعثات

السلام عليكم

انا ودي ادرس هالتخصص بكالورويس

بس عندي طفل وخايفه يكون يه شغل كثير ومتعب مع اني اعرف اشتغل على هالبرامج واحب التصميم كثييير
بس مخوفني انو يكون في شغل كثير ووقتها اكره هالمجال

تنصحوني ادخل هالتخصص ولا اروح اداره اعمال ؟