تخصص قانون دولي

والله حبيبتي ماادري انا مثلك رايحه ادرس ماستر قانون لكن الين الحين مابعد حددت وش بتخصص يمكن تجاره دوليه و من خلال بحثي لقيت جامعة في ولاية اورقن اسمها بورتلاند يوني فيرزتي في مدينة بورتلاند عادي مدري يمدحونها
لكن اختي بغيت اسئلك تتوقين القانون له مستقبل في السعوديه للنساء طبعاً لاني اخاف ادرس واتعب نفسي واجي وما احصل وظيفه ولا كني ماسويت شي

اهلين اختي ترانيم اخيرا لقيت وحده مثلي انتي تبع الملحق ولا على حسابك (لقافة)ههههههههههههه

ثانيا في جامعة في بنسلفينيا وفية في بلتيمور وكولج بارك ومتقن كثير جامعات بس انا باختار الي في بلتيمور عشان بنتي تتعالج في مستشفى جون هوبكنز

وشي طبيعي له مستقبل لان المحاكم وهيئة التحقيق والادعاء العام بدات توظف النساء ودكتورة عندنا بلجامعة تشتغل هناك يعني على طول ان شاء الله بتلاقي وظيفة مرموقه بس بسال انتي وش تخصصك انا كتاب وسنة مدري يقبلوني ولا لا لانهم يقولوا لازم بكالريوس شريعة او قانون مدري الله يسهل بحاول اراسل الجامعة اها نسيت كمان جامعة جووج تاون في واشنطن وتقدري تسكنس في فرجينينا وكلها عرب

هلا حبيبتي اول شي كل عام وانتي بخير وعساكم من عواده
والله انك فرحتيني بخبر المستقبل الوظيفي لاني كنت شايله هم وانا بصراحه ابي اكون استاذه جامعية يارب ييسر امورنا وكل مسلم
انا تخصصي ياقمر دراسات اسلاميه ويقولون انها زي الشريعه واصلاً الحين غيرو مسماها الى الشريعه والدراسات الاسلاميه
وطالعه على حسابي وبعدين ان شاء الله انظم للبعثه ......... طيب جامعة جورج تاون هذي القبول فيها كيف سهل ولا صعب لاني تقدير جيد واخاف مااحصل قبول بسهوله مع اني سمعت انه نظام الجامعات العالميه للماستر ياخذون 2 جيد مقابل 1 ممتاز و1 جيد مقابل 1 جيد جداً ....... بعدين كيف اقدر ادرس في واشنطن واعيش في فرجينينا قريبه منها طيب كيف الغلا هناك ؟
ادري ازعجتك بالاسئله لكن تحمليني ماصدقت الاقي احد تخصص قانون

والله انا اسمع ان القبول سهل بهذي الجامعة وبينها وبين فرجينيا ربع ساعة وعموما امريكا مو رخيصة يعني سكن وكهربا وغاز امكن 1500 الى1700 على حسب كم غرفة يعني حطي كل شهر 2000 دولار مصاريف اساسية جوال وسكن وغاز وكهرب انا ساكنة في تاوسن جنب بلتيمور حلوة وامان والسكن ما خذتة ب1300 بكل شي غرفتين وصالة طبعا تاوسن السكن فيها ارخص من فرجينيا لان العرب فيها قليل جدا بس المنطقة حلوة وهادية واريح ان مافيها عرب المعهد الي انا فية مافية احد عربي الي وحده مغربية بس على
واكيد انتي عارفة كيف تنظمي للبعثة واذا تبغى اي استفسار انا حاضرة لاني انضميت للبعثة

الف مبروك على الانظمام ياقمر ,, لكن كم المده اللي اخذتيها الين انظميتي ؟ وكم المبلغ اللي صرفتيه الين انظميتي يعني انا اقدر ادبر 40 الف هل تكفي الين انظم للبعثه
وجزاك الله خيراً