السلام عليكم
الله يسعدكِ ياشيخه هذا كله قرادة وخفة دم قولي الحمد لله ...
لكن صراحة موضوعكِ يجنن فطست عليه من الضحك ووسعت صدري الله يبسطك يارب:27: :26:
محبتكِ الاصيل

:27: :27: :27:

حيبت ادوخج يا اميرة حتى تعرفين انج احسن من غيرج...
طبعا اول ما دخلت صعقني العنوان لاني من يصير لي حاجة اقول لهم ( تخصص في قرادة الحظ ) !!

من وين ابدأ لج من وين ؟
اي من عرس اختي رحنا ندور لها على فستان خطوبة تونا في اول خطوة الا والثوب الروعة قدامنا !!!! تعجبت انا وقلت معقولة احنا المقرودين نلقى بهالسهولة ؟ بس سميت باسم الله ولا تكلمت قلت لا احسد نفسي ...قبل ليلة الخطوبة بليلة الا اهل العريس صار لهم ظرف طارئ وهونوا عن الخطوبة .............ايش صار؟... رجعنا الثوب وقلنا لها عطينا فلوسنا (2500 ريال ) قالت لا خلاص انتوا طلعتوا من المحل !!!!!!!!!!
وراحت الفلوس على اختي ...

يوم طالعة السوق وشفت بدي ب150 ريال لانه القماش فرنسي طيب عدّت المحل والا ثوب بنفس القماش بالضبط ب140 ريال بعد التخفيضات الكبرى وكان الثوب اخر قطعة ومقاس40 ............. ياااااااااااااااه يعني مقاسي ..قال لي الهندي خلاص تبينه قلت - وانا اشوي و باصراخ من الفرحة : اي ابغييييه ...وتوني ما استوعبت الا تجي حرمتين ويقولون وين الثوب اللي حجزناه امس؟؟؟؟؟؟؟
هئ هئ هئ ...قال لي اسف وعاطاهم الثوب وعيوني تناظر وقلبي يقول انتي مقرودة

في خطوبة اختي قلنا بنسوي بعض الحركات الخفيفة مثل الانوار الكلاسكية و الزفة بالورد قالوا اهل العريس لا ودنا شي ثاني ...طيب احنا قلنا نسكت لمن العرس يقرب ونفتح الموضوع ...يوم كنا معزومين مع مجموعة من الاهل ومعنا اهل العريس ...قالت لنا صاحبة العزيمة شفتوا فلانة ترها ردت من السفر ...استانسنا وقلنا لها تتصل حتى تجي ...طيب جات وسلمنا وضحكنا ... ورحت اسأل انا المقرودة قلت لها : ها تشوفين احد ؟ قالت ابد ابد ما اطلع ولا شي حتى اذا احد عزمني على عرس ما اروح ...صراح العرس هالايام بايخ وكله يسوون زفة للعروس بالورد وانوار كلاسيكية !!!!!!!!!!!!!!!

اش هافظاعة تقولون نادينها حتى تخرب علينا زيادة !!

:44:
اقول بعد والا اكتفيتوا ..................................................................هيء هيء


------------------------------------------
ولا يخلص خيااااااااااااااااااااالي

مارحنا عنك بعيد يالغاليه

ماني بعيده عنك كل مانتقلت إلى مستوى أنزل علينا أول التعاميم والمواد الجديده والأساتذه الجدد

إلي مطلعين الشيب فينا من كثر أبحاثهم

الله يعينا ويعينكم


لك التحايا ياكل الغلااااااا:26: :26:

وانا اقووووووول ياربي وراه النت فصل...

اثريني فاتحه موضوعك...

والله الحياه اذا كانت كلها حظ ماتطلع حلوه وكمان اذا كانت كلها قرادة حظ...
بس اسمعي هالسالفه..
يوم الخميس باجازة الحج طبعا السبت مداراس بس انا بعدها باسبوع...
كنت بتبوك وابغى اشتري جوال جديد وطلعت الشريحه من الجوال القديم على صلاة المغرب..
ووقت صلاة العشاء جاني ولد اخوي يبغى الشريحه ولاهي مختفيه..
قلبنا البيت فوق تحت مااااااااااافي امل من العثور عليها...
والمصيبه ان مافي وقت عشان ادور عليها وكان بالليل في سهره عند اخوي ويوم الجمعه باسافر لديرتي وحااااااااااله..
ايش رايك بهالموقف...