مساء الخير بنات حواء
تعرفون هالوقت كل المحلات مسويه تخفيضات وتصفيه لبضائعهم
وهذي فرصة ذهبية للكل انهم يشترون بنص السعر ويمكن اقل بعد
المهم ما طولها عليكم... اختكم نزلت للسوق
واتفرج هنا وهناك واشتريت تنانير وشنط وحاجات كثيره حلوه
المهم دخلت محل مكياجي لأنه ناقصني كم غرض
وشريت قلم كحل وماسكارا وروج وشدو
المهم البائع نشب في حلقي
ماقدرت افتك منه .... الود وده اشيل المحل كله...
المهم حاسبت وهو يقنعني انه خفضلي اللي شريت وانه سعر خيالي جدا
وعطاني هديه رغوة منظفه للوجه
طلعت من المحل وانا مو عاجبني الاسلوب خصوصا وانا اقوله ابحاسب مستعجله وهو يوريني مستحضرات ومكياج
المهم يوم رجعت للبيت وجربت اللي شريته
فــجــأة:32:
طاحت عيني على جملة خلف العلبه
(better to use before 04/2009 )
والمعنى ( يفضل استخدامها قبل ابريل 2009 )
يعني باقي لها شهرين وتنتهي صلاحيتها
وانتاجها كان من ثلاث سنين
حتى الهديه اللي هي الرغوة تنتهي صلاحيتها بعد شهر
وش هالنصب!!!
يعني يبيعون اشياء خاست في المحل ومحد اشتراها
وانا اشتريها
ليه ؟؟؟
لو المحل ماشي سوقه وله زباين ماخاست بضاعتهم
آخر شي قهروني وضيعت فلوسي كالعادة
يارب اتوب عن التبذير يارب
بس تعرفون نقطة ضعفي المكياج احب اشتري لو ماني محتاجة
وهذا اللي صار
ومع كذا الكحل طلع يسيح وهو ساعة يمدح لي الكحل انه ثابت ومستحيل يسيح
حسبي الله عليهم
وسلامتكم
احاسيس مجهوله @ahasys_mgholh
عضوة نشيطة
يلزم عليك تسجيل الدخول أولًا لكتابة تعليق.
جزاك الله كل خير على التنبيه
أنا سمعت عن التخفيظات وكنت ناوية اروح أشتري منهم
لكن الحمدلله إني مارحت
أنا سمعت عن التخفيظات وكنت ناوية اروح أشتري منهم
لكن الحمدلله إني مارحت
اي والله صار لي نفس موقفش أشتريت من عندهم وانصدمت ان باقي مدة شهرين وينتهون والرغوه اللي عطاني أياها هدية شهر وتخلص.
الصفحة الأخيرة
يااقلبي معروف هالشي
انه البضاعة اللي قربت صلاحيتها تنتهي ينزلون لها تخفيض
الله يعينك
ومرة ثانية انتبهي لتاريخ الانتهاء