السلام عليكم ورحمة الله وبركاته
راح اطرح لكم تجربتي لتخفيف آلام الدورة الشهرية من البداية
انا لما تجيني الدورة يجيني الم شديد احسه غير طبيعي
والبنادول والبروفين ابدا ما تنفع معاي
اولا كنت استخدم الابر ( الحقنة ) من المركز الصحي
يعني كل ما تجيني الدورة تلاقوني بالمركز
ومن كثر ما كنت اخذ الابرة بديت احس ان الفخذ ما فيه شعور
خفت على نفسي وقلت للدكتورة تعطيني شي ثاني
اعطتني تحميلات فولتارين 50 تقضي على الالم بشكل نهائي استخدمها بس اول يومين
وهذي صورته
ولما مليت من التحميلات احسها مزعجه لما اخليها قلت للدكتورة اني ابغي حبوب ما ابغي تحميلات
فكتبت لي هذي الحبوب
واستمريت باستعماله
بس آخر دورة جتني قبل الحمل لما حسيت بالالم
اخذت لي زنجبيل قشرته ودقيته وملعقة قرفه مطحونه
وخليتهم في ماء على النار لين يغلي اشيله من على النار واخليه يصير دافي اشربه
ولما تشربينه تحسين ان فيه حرارة لكن يخلي اشياء تنزل من البطن ما تتصورين
وانا كانت تكون معاي 7 او 8 ايام تتقطع بس لما شربته نزلت الدورة بشكل متواصل وصارت 4 ايام بس اتوقع انه اللي شربته فتح انسدادات كانت موجودة وانا ما ادري عنها
والحمدلله بعدها مباشرة حملت وجبت ما شاء الله بنوتتي الحلوة
وهذي تجربتي
ـــــــــــــــــــــــــــــــــــــــــــــــــــــــــــــــــــــــــ
وتجربة اختي اشوفها تستخدم هذي الحبوب تقول انه ينفعها كثير
العلبة هذي للدواء الشراب علبة الحبوب تجي مثل شكل هذي العلبة
مسامحة مالقيت صورة لعلبة الحبوب
وإن شاء الله تستفيدوا من تجربتي