تخفيف الوزن عن طريق فحص زمرة الدم

السلام عليكم ورحمة الله وبركاته
قصتي طويلة مع الوزن بداية كان وزني 52 بعد ماعرست
صرت 65 وبعدين شو صار
إلي صار صار وزني 89 بسبب تسمم حملي في أول حمل
وتعبت من الريجيمات والحبوب المنحفة والرياضة بدون فايدة المهم حملت بعدها مرتين
وأخيرا وصلت ل 103 ونسبة السكر وصلت للحدود الخطيرة ووجع المفاصل حسيت إني عجوز عمرها 80 سنة
حالي يبكي صح
تدرون شو سويت عشان أحافظ على صحتي
الله يسلمكم الحل ما كلفني إلا 13 درهم وهو كتاب حصلتة في مكتبة جرير
وإسمة فئات الدم الأربعة لتخفيف الوزن للدكتور دادامور
في البداية قلت لنفسي باجرب إسبوعين تدرون شو صار
نزل وزني 5 كجم والحين وزني صار 70 أو أقل يمكن في 4شهور ونسبة الدهون كانت 42 والحين يمكن 30 أنصحكم فية لأني سعيدة بوزني وبدون جوع أو تعب بالعكس نسبة الحديد عندي صارت 14 بعد ما كانت بين 9 و11
إدعولي إذا نفعكم
ودمتن سالمات