تخلصت من تكيس المبايض في شهر واحد فقط

السلام عليكم ورحمة الله وبركاته
اضحى مبارك وكل عام وانتم بخير
انا عضوه مو جديده بس حسابي في المنتدى تعرض لبعض مشاكل وهاي مشاركتي التانيه فقط بس حبيت افيدكم لاني عارفه انو اكثر المشاكل الي بتواجهه بنات ونساء مجتمعنا هي تكيس المبايض وبعد ما شفيت بفضل ربنا حبيت اساعد واوصل طريقة شفائي بفضل الله للجميع اتمنى تفيدو وتستفيدو الموضوع طويل شوي واسفه ع الاطاله بس مهم.
رح احكيلكن قصتي :
بسم الله الرحمن الرحيم
انا عمري 20 سنه اول دوره الي لما كان عمري 14 سنه.طبعا انا بالغه من حوالي 6 سنوات بس بهدول ال 6 سنوات اجتني الدوره يمكن 6 مرات بس لاني كنت اعاني من تكيس مبايض مزمن كانت الدوره تيجيني كل سته شهور واحيانا سنه كامل ما تيجي الحمدلله على كل حال تزوجت من سنه ونص وكتت حاكيه موضوع دورتي ل اهل زوجي قبل ما ارتبط فيه عشان ما اكون خدعتهم بعد الزواج بشهر قررت اكمل علاج ما خليت مستشفى حكومي ولا خاص ولا اعشاب ولا غيره بس للاسف ما استفدت غير اضاعه الوقت لبين ما اختي دلتني عن طريقه علاجها من تكيس المبايض طبعا اختي كانت ناسيه الموضوع لانو الها 16 سنه متزوجه وهمومها ومشاكلها بعدتها عنا كثير صرنا نشوفها بالاشهر مره وحده بس ومره قعدت معها قعده طويله وشرحتلي كيف تعالج. وهلأ رح احكيلكم الطريقه :
السدر كلكم بتعرفوه اكيد وبتعرفو انو شجرة السدر مباركه.طريقه العلاج مختلفه شوي اول شي لازم تكوني ع طهاره بتجيبي اعواد وورق من شجرة السدر وبتحطيهم في وعاء حديد او اي منقل شوي او اي شي وبتولعي النار فيهم.واسفه ع التوضيح بس لازم تكوني بدون ملابس داخليه نهائيا ولا شي وتتبخري من السدر بحيث ان بخار السدر يدخل الى داخل رحمك يعني انتي حطيتي السدر بوعاء حديدي وولعتي النار بالسدر لبين ما صار يطلع منه دخان ولازم تمري من فوق الوعاء يعني شبه تقفزي عنه لحتى يدخل البخار الى داخل الرحم واثناء حركتك فوق الدخان اقرأي المعوذات واية الكرسي و ضلي ادعي ( ربي لا تذرني فردا وانت خير الوارثين ) طبعا بعد ما تكملي ممنوع الاستحمام اعملي الطريقه هاي الصبح وضلي لتاني يوم الصبح لحتى تتحممي مره تانيه طبعا بعد ما عملت هاي الطريقه ثاني يوم اجتني الدوره بفضل ربنا بعد غياب سنه كامل ل اول مره بتيجيني دوره طبيعيه بدون ادويه وغزيره كثير كأنو الرحم كان ينظف سبحان الله طبعا وفترة الدوره ضليت مستمره على شرب ما القمح طبعا مو اي قمح شرط يكون من قمح الي بياكل منه حمام مكه الي بيكون بمكه ع الارض جابتلي خالتي الله يحفظها وشربت منه تقريبا لثلث ابام او اكثر صدقا والله مو متذكره كم كوب بالضبط بس ما بيتعدو ال 5 وحتى حبوب القمح كنت اكلهم الطريقه : تجيبي حبوب قمح حمام مكه وتغليهم بالماء واتركيهم ربع ساعه بعدين اشربي المي وكلي الحبوب المغليه كمان وخلصت الدوره ومر شهر وما اجتني الدوره بعديها خواتي طلبو مني اعمل تحليل حمل بس انا. كالعاده عصبت وزعلت وما رضيت لاني ما كنت مقتنعه بيلي عملتو اجت امي طلبت مني وانا ما بقدر ارفض طلباتها شريت تحليل وعملت التحليل واهملته رحت غسلت وتوضيت لصلاة العصر وقبل ما اطلع تطلعت عليه ول اول مره بعد سنه من الفحوصات السلبيه شفت خطين فرحت كثير وبكيت وصرت ارجف مو مصدقه اني طلعت حامل لاني عملت هالطريقه. بعد تقريبا 9 شهور من زواجي وزوجي كان قبل ما اتعاالج بالطريقه يلي حكيتلكم عنها طول السنه كل شهر يجيبلي تحليل حمل ويطلع سلبي وتسوء حالتي النفسيه بس الحمدلله بعد هالتعب ربنا فرحني انا حاليا وبفضل ربنا حامل بالشهر السادس الي يومين مبلشه بالسادس وفرحانه كثير اقسم بربي ما كذبت عليكم والله شاهد ع كلامي ورح انسأل يوم القيامه عن كل كلمه حكيتها وما بدي منكم غير تدعولي اقوم بالسلامه ويسهل ولادتي والخلقه التامه لجنيني وهاي تجربتي انا شخصيا واختي من قبلي والحمدلله استفدنا وصار لازم نساعد الكل امانه برقبتكم الي بتستفيد عليها تفيد غيرها وتحتسب اجرها عند ربنا
اسفه ع الاطاله بس حبيت افيدكم