تخلصت من هز طفلي ماشاءالله تعالو اعلمكم الطريقه

بسم الله ماشاءالله
اولا يبغالك قلب قوي قلبك ضعيف بتحنين عليه ماتمشي الطريقه


ثانيا اذا هزيته مره بترجعين من نقطه البدايه نهاااائيا اقطعيه




الطريقه : اذا جاء وقت النوم لاترقدينه ع طول خليه يلعب اكثر اضحكي معه معليش حتى لو جلس يبكي بالصحيح خليه يتعب ويطفي اكثر


بعدين اذا تكوفلينه كوفليه اعطيه اللهايه اذا كان يستخدمها غيري له الحفاظه اذا كان يستخدمها او رضاعه مع الحرص ان اللمبات تكون طافيه او خافته


ثم طبطبي بيدك ع صدره او رجله اقري قران بصوت منخفض مسموع او قصه لمده ثلاث دقايق


ثم اذهبي


معليش بيبكي بس خليه ولاترجعين له
فكري فيها انتي لبيتي كل احتياجته المهم
الهز مو من احتايجته ولا مهم لصحته ولاشي فقط دلع


غيبي عن نظره لمده خمس دقايق


ثم ارجعي له وطبطبي واقري قران لمده ثلاث دقايق


ثم اذهبي عنه لايراك


على هذا الحال حتى ينام


بيتعبك اول يوم ثاني يوم ثالث يوم بيخف البكاء
وكل يوم بتلاحضين تحسن لحد ماينام وحده




واسمعيني كويس لو ضعفتي وهزيتيه بترجعين لنطقه البدايه وكانك ماسويتي شي وتعبك راح ع الفاضي


الطفل عنده عقل بيستوعب ان البكاء ماله فايده الطفل مو بس بطن ياكل ويرضع


استخدمت هذاي الطريقه وعمر طفلي اربع شهور ماشاءالله ومن بعدها معد هزيته ابدا ماشاءالله


وكلما كان طفلك صغير تقدرين تتحكمين فيه اكثر من لمن يكبر




فيه نقطه
كرسي الهزاز مو حل داىم
يعني لو رحتي مشوار بتاخذيه معك !!
انا قرات وبحثت كثير مافي طريقه الا هذي


قوي قلبك كلها ايام تتعبين وبعدها رااااحه




والسلام عليكم