السلام عليكم ,, كيف حالكم جميعا أخواتي ..
حبيت أشارككم تجربتي
بيتي شقه صغيره ,, لكن كنت أواجه صعوبه شديده وقلق للترتيب والتنظيف
الحمد لله البيت نظيف لكن يحتاس بسرعه ومزحوووم ..
وغالب وقتي في البيت ,, أتعذر من أغلب الإجتماعات بسبب مهام المنزل المتراكمه علي ,,والضيوف بالنسبه لي أزمه
والتنظيف العميق ياخذ مني أسبووووع من العمل المستمر,, ويومين كل شي ينحاس
الأدوات فالدرووج على بعض وإذا أحتجت شي وأنا مستعجله تنرفزت وأضطر أطلع كل شي علشان ادوره
برغم إني أسوي ترتيب وتنظيف شااامل بشكل دوري ومكثره علب ورفوف بس مافي فايده ,,
صعوبه في إيجاد ملابس منسقه لي ولبناتي
كل شي كان يجيب لي الإكتئاب والتعب وأقول هالبيت عمره ماراح يترتب
مااستفيد من وقتي شي خاص لي كله فهالبيت دووووووون فائده
تعبت نفسيا من وضعي
وبديت أبحث كثير في موضوع التنسيق والتصنيف المنزلي وصرت أستشير ربات البيوت اللي ماشاء الله بيوتهم دايم مرتبه
لقيت السرر في بيوتهم المرتبه وسرعة إنجازهم في التنظيف قلة وخفة الأثاث والأغراض في البيت
يطلعون الزائد أوووول بأول مايتركون أي شي يتراكم أو مو ضروري ,, هذا هو السر
وفعلا لما تأملت ناس كثير حولي اللي بيوتهم مزحومه ,, لقيت السبب كثرة الأغراض والأثاث وال (العفش)
لدرجة يغيرو الأثاث أو الأطباق أو الملابس ويجمع القديم في ممر معزول أو في مستودع أو زوايا الغرف أو في شنط كبيره ,, كل شيء يخزن ويخزن على مر سنييييين
مما يسبب كركبة وضيق وازدحام في المنزل وعدم تناسق في الأثاث وجهد مضاعف في التنظيف ..والأخطر ضيق نفسي وكآبه ..
في دراسات في علم النفس أن الكراكيب مصدر إعاقة للتنظيف وكبت لتدفق الطاقه الإيجابيه ومصدر للقلق والإكتئاب يصيب جميع أفراد المنزل,,
*
لذلك قررت ما أبقي ولا شي فالبيت إلا وأحنا فعلا نحتاجه ونستخدمه بإستمرار وأخذ مني الموضوع شهر أو أكثر أطلع على شوي شوي ,,
مريت على كللل درج ورف مابقيت مكان إلا شيكت عليه حتى تحت السرير وفوق الدولاب طلعت منهم أغرااااض
طلعت كرتونين أغراض زايده من أدوات المطبخ
و أكياس ملابس للجمعيه الخيريه ,, شي شتوي وشي صيفي وشي قدييم
كتب وديتها لمحلات الكتب المستخدمه وأوراق شققتها ورميتها كثيييييير
ومجلات وادوات وأسلاك كهربائيه ما ادري لأيش؟؟
وكريمات ومراهم ومعلبات انتهت صلاحيتها ,, أجلت فكرة إستخدامها كثير وفاتت علي
وأشياء جديييده وجااااالسه ماناسبت ,, لميتها بكيس أنيق وأعطيتها أخواتي
وأثاث زايد وتحف جالسين غبار ومسح ,, تعب التمسيح هلكني ومضيقه علي مساحه الشقه
وألعاب ملوو منها بناتي أو كبرو عنها وماصارو يستخدموها
*
يعني مع التدقيق راح تلاقين أشياء كثيييييير كثيييير مو بحاجتها أو قديمه أو جديده ماناسبت لكم
طلعيها غيرك يستفيد وتكسبين أجر ,وسهولة فتنظيف البيت ,ومساحه ,وراحة بال ..
وراح تتفاجئين بالكم الهائل من الأغراض الزايده ,, بتتحسن نفسيتك وبتقولين وين أنا عن هالأغراض اللي مضيقه على نفسي
ليييييييت طلعتها من زماااااااااااااااااااان ...
ولتسهيل المهمة عليك ,,
صنفي كل مافي منزلك ل 5 أصناف/
( صنف مستهلك أو تالف يرمى / صنف جديد او جيد للأهل والأخوات / صنف جديد أو جيد للجمعية الخيرية أو محتاج / صنف ضروري يبقى في المنزل / صنف للبيع إن كان يوجد كبعض الأجهزة والكتب والأثاث)
اللي شاكه أنك بتحتاجينه طلعيه فكرتون على جنب واذا مر شهرين ونسيتيه وما رجعتي تدورين عليه فأنتي ان شاء الله مو بحاجته ..
أتمنى الموضوع خفيف عليكم ومفيد
الله يرزق الجميع راحة البال والوسع والإنشراح ,,
*
*
:icon35: