تخلف اكثر من كذا ماشفت قاهرتني ودي اخنقها هع هع ج2

امممم طبعا لما نزلت الموضوع الاول بعض البنات لاموني
وقالو يمكن البنت تعرضت لحسد
وفيه الاخت منجو قالت لازم تغيري اسلوبك

اوووكيه

اولا اليوم اتصلت على واحده من صديقاتي واستفسرت منها عن البنت وقلت لها السالفه قلت يمكن فعلا اهي مسحوده وصاير فيها شي او مريضه من شي
قالت اصلا اهي مسويه رجيم فعلا مثل ماردو بعض البنات
ولما سوت الرجيم كان المفروض تمشي عليه لفتره معينه بس اهي سحبت على كلام الدكتوره
واستمرت لاكثر من المده المطلوبه
والا تشرهي عليها لانها سوت معي نفس الحركه
ولاحظووووو شوفو شو مسويه مع صديقتي
صديقتي مره سألتها شو احسن كريم اساس ودي كريم اساس يكون حلو ونافع
عطتها اسم كريم

بعدها بفتره دقت على صديقتي وسوت معها نفس الحركه
وقالت لها ياليت تقولين ماشاء الله
ردت ماشاء الله على شو
قالت احس ان بشرتي شاحبه و صرت استخدم كريمات اساس كثيره
من بعد ماسألتني ذاك اليوم

بالله عليكم مو متخلفه وتعاني
كل ماصار فيها شي حطته على الناس واهي الغلطانه واهي الي قاعده تمرض بعمرها
انا ما اتهزى فيها والعياذ بالله بالعكس الله يشيفيها ويعدل صحتها
بس ليه تتبلى على الناس يعني موقف صديقتي اقوى بعد من الي سوته مع


ثانيا الاخت الي تقول لازم تغيري اسلوب مع الناس الي اها العضو منجو

عذرا عزيزتي على اساس حكمتي على كل اسلوبي من قصه واحده بس
شوفي شوطلعت حقيقة البنت
بعدين انا يوم سألتها انت تعبانه
كنا لحالنا وكانت تمسك راسها كل شوي
على بالي عندها صداع
وبعطيها دوا
وحديث مطول كتبته لكم باختصار
فليه اغير اسلوبي ؟؟؟ ترضين احد يقولك غيري اسلوبك من خلال قصه واحده شافها لك


يعني مستحيل انزل موضوع على واحده افضفض فيه عن تصرفها الا اذا كنت حاسه ان تصرفها غلط
وبعدين مانزلت الموضوع احش او اشهر فيها
نزلت هالموضوع لان فيه ناس فعلا فاهمه موضوع الحسد
كل ماصار لها شي قالت عين وحسد
طيب ياختي حصني نفسك كل ماطلعتي وان شاء الله مابتجيك عين

يعني مثلا العود اذا كان طالع منه دخان قوي العين ماتتحمله وتدمع
وللاسف بعد كل زواج صرنا نسمع ان فيه عيون انحسدت
واهي تكون متحسسه من العود
او من عطر او من عدسات او من مكياج

ارحمونا من هالقصص