تخيلت حساب صدام بعد الموت وخفت على نفسي كمعلمة!!

انا اعمل معلمة بمدرسة خاصة واعمل بما يرضي الله سبحانه وتعالى وضميري حي ولله الحمد
لكن ازيدهم كثير بدرجات المشاركة خصوصا ثالث ثانوي كلهم اجباري ياخذون الدرجة الكاملة:(
انا ماظلم مدرستي هم مايجبروني علنا..

لكن لو تنقص طالبة يقعدون على راسي
ليه وشلون وعلمينا والمعلمات احسن منك ويرمون علي كلمات ويهيننوني ويدورن علي اي غلطة يمسكونها علي ويعيشوني جو رعب يقوولن الطالبات يتشكون عليك وامهات الطالبات يدقون يقولون المعلمة الفلانية ماتعطي درجات ومن هالكلام
واحيانا المديرة تجبرني ازيد درجات لطالبات معينات وانا رفضت وقلت لها خذي دفتري انتي غيريه
علشان مايصير بذمتي وزعلت علي واستحقرتني ليه وشسويت انا:unhappy:

واحيانا يقولون ام الطالبة فلانة متصلة عيدي لبنتها الاختبار.. قلت طيب بس بشرط بعيد الاختبار لجميع الطالبات من باب العدل (يعني بتعب نفسي واصحح لهم كلهم) ترفض المديرة
وانا ارفض.. وبعدها توافق المديرة على كلامي واختبر الفصل كله
واذا اجتماع طول الوقت المديرة تعطي امثلة على المعلمات المتذمرات وتناظرني:30:

بصراحة بعد مامات صدام تخيلت حاله بعد مماته هو رئيس دولة راح يحاسب عن كل فرد في دولته وش سوى فيهم وش ماسوى الله يعينه..
اخواتي انتبهو انا مادخلته النار اوقلت راح يحاسب حساب شديد << اعرف بعضكم الله يهديه ممكن يقول علي كلام ماقلته
انا اقول كرئيس مسؤول عن شعب وقارنت نفسي فيه لأني مسؤولة عن طالبات

وانا كمعلمة راح أحاسب علشان طالباتي والله خايفة من نار جهنم
الواحد يالله ويالله بسيئاته علشان بعد يتحمل ذنوب بنات الناس:06:

انا اعترف اعطي طالبات مايستحقون درجات عالية. شسوي اغير المدرسة؟ كل المدارس الخاصة هذا حالها؟
استقيل؟!ا نا انسانة احب العمل ماتعبت واجتهدت في دراستي علشان اصير عاطلة!
للأسف لايوجد نظام مراقب ومتابع ورادع لعمل المدارس الأهلية
لاحول ولاقوة الا بالله

طمنوني:icon33: