تخيلوا الدكاترة يقولون أبوي ايامه معدودده ابوووي بيموووت وقلبي مات من الحسره

السلام عليكم ورحمه الله وبركاته
بنات انا نزلت موضوع عن أبوي قبل وهذا رابطه


http://forum.hawaaworld.com/showthread.php?t=3522003


بنات طلبتكم تدعون لأبوي وتقولون لاهلكم يدعون لأبوي محمد لعل الله يستجيب دعانا ويرحم حالنا :44: :icon33:


بنات أبوي له اسبوع منوم بالحرس الوطني بالرياض وقفوا عنه العلاجات وقالوا مانقدر نسوي له شي

توقف البول عن أبوي بس الحمدلله ركبوا له قسطرة وقام يتبول

تخيلووو مانام ثلاث ايام عطوه حبوب مانفعت لحد ماعطوة ابره منوم قويه والحمدلله نام وارتااح وواظاهر انه ليستمر على المنومات

صار عنده احتباس سوائل في بطنه ورجولة وصار بطنه كبير حيييل وحطو إبرة في بطنه على طول عشان تسحب السوائل

وصارت الأملاح عنده قريبه لصفر نقص الصوديم عنده وما كنا نعرف ان الأملاح مهمه بهدرجة صار أبوي يهذري صار يتخيل عنده ناس مو موجودين وصار مايعرفنا يسئله الدكتور من هذا يقول واحد من عيالي بس مدري من هو. وأخوي الكبير يقوله هذا اخوي وهو ولده ضرب عقله من نقص الأملاح وراااح عقله مره وحده اخوي ما قصر صار يحط له في الماء والعصير ملللح ويكثر والحمدلله البارح بالليل رجع لعقله وعرفنا الدكتور يقول نقص الأملاح هي السبب
وظائف الكبد عنده نقصت أبوي صار هيكل عظمي وصار لونه اسمررر حيييييييييل وعيونه دخلت داخل وصارت تروح وتجي وصارت العدسة حولها بياض
ابووووووي تعبان ومررريض وقلبي وقلب أمي وإخواني تقطع

اليوم زرته ااااه وليتني مازرته اليوم لقيت دكتور أبوي المسؤل عن حالته وجاني فضول ورحت سئلته. قالي بالحرف الواحد ابوك ماله علاج. وايااااااااااامه معدوووودة لاتنصدمين
ااااااه يابنات والله احس بحرقه بقلبي واحس بغيت أطيح من طوولي رحت سئلت اخوي قالي دامك عرفتي لاتنصدمين اذا كلمتيني بكره او بعد يومين او اسبوع وقلت لك توفى

اخوي طلب نقل إخلاء طبي لمستشفى أرامكو بالظهران ويمكن ينقلونه بكره او بعد بكره عشان يكون قريب عنده ونشووفه كل يووم

بنات مو قادره أنام انا قبل سنه بالضبط فقدت. ولدي وبغيت أموت ولحد الحين ابكي على فرقاه بس ابوووووي وشلوووون مش قادره افكر أني بفقده لحظه

بنااااات. ودي بس اضمممه ابوووي تخيلووا بس أمنيتي اضمه وهو عايش بس ماقدر أبوي كله اجهزة بس اللي اقدر ابوس راسه حتى ايديه ماقدر أبوسها كلها ابر

بنات ادري هذا قضاء وقدر ولازم نتحمل بس بني آدام ضعيف. ضعييييييف. وانا احس أني ضعفت حييل بنات ادعو ان الله يشفيه ويثبت قلبي ماني متحملة خلال سنه افقد ررروحين فقدت ولدي والحين يقوولولي ايااامه معدوووه اااه يا قوو هالكلمه