تخيلوا بس 😍

ياهلا وسهلا بحبيباتي تنفقدون والله هذا الله يسلمكم انا مروقه ع الاخر اللهم لك الحمد وانا جالسه لاعندي شغله ولامشغله الا سرحت
بخيالي وحبيتكم تشاركوني معي يالله
😘😘😘
ام سويلم جالسه ع النت وتفرفر من انستقرام وتويتر وفيس بوك واخذت لفه ع عالم حواء لين ملت وزهقت راحت عند زوجها وهو متبطح ع الكنبه وماسك هالجوال اللي اشغل الشعب قالت يابو فلان وش رايك الليله نطلع نوسع صدورنا والعيال يلعبون ونغير جو
قال ابو سروال وفنيله وين تبين تروحين الحين الكورونا منتشر وزحمه اجلسي بالبيت
ام سويلملنا شهرين ماطلعنا حرام عليك طفشت مقابله الجدران وانت مغير ع هالجوال وتطلع ومانشوفك الا وقت النوم والاكل وحنا محشورين بالبيت
ابو سويلم ايه خلاص بعدين تطلعون ماني فاضي لك
زعلت الزوجه الضعيفه وراحت تدق ع ام خالد صديقتها من الابتدائي وتتصل عليها وتحلطم انها ماطلعت
قالت ام خالد ياحليلس هذا اللي مزعلس روحي شوفي فتحوا بالحي مركز نسائي يهبل انا رحت له ماعدت اشخذ ابو خالد بس البس العبايه واروح وانبسط انا والعيال
ام سويلم وينه دليني عليه
قالت ام خالد بحينا وش اقولس يهبل به نشاطات لربات البيوت في قسم كروشيه وفي قسم رسم وفي قسم طبخ وفي قسم حفظ قران وفي قسم اسعافات اوليه وفي قسم اعمال يدويه وش اقول يام سويلم وش اخلي كل شي به وبعد في حوش وش كبره للاطفال مراجيح والعاب ورمل وحضانه للاطفال يعني تجين انتي وعيالس ومطمنه عليهم ونسيت اقولس في ديوانيه لكبار السن يعني هالعجز بدل مايجلسن بالبيت ومحد معبرهن تجي هنا وتنبسط مع اللي بعمرها
اقول يام خالد بكره بجيس مابينا الا شارع حمستيني اجي ليتهم يفتحون بحينا مثله وبكل الاحياء والله يفكون ازمه هالحريم اللي مثلنا
النهايه 😉😉
وش رايكم ابي كل وحده تضيف اقسام ثانيه واقتراحات تخيلوا الخيال ببلاش والله يسعدكن جميع