تخيلوا زوج يضرب زوجته ويشوه وجهها لانها صحته لصلاه الجمعه.

ترددت كثير قبل اكتب بموضوعي... لكني تعبت ومحتاجه افضفص... زوجي من تزوجته كل صلاواته بالبيت مايصلي بالمسجد ابد... وياما نام عن الصلوات واذا صحيته عصب علي...  رغم اني اصحيه بدلع واحيانا اطنشه واحيانا ما اتحمل استهتاره... تخيلوا من دخل رمضان ماصلى ولا جمعة بالمسجد.... وامس ناديته بهدووووء يافلان قال هااه قلت ترى الساعه 11 ونص.. قال افف وغطى وجهه ونام... تركته انا ورحت جلست بالصاله مع بنتي... ولما صارت الساعه 2 قام زوجي وهو معصب وقال تعالي يافلانه... دخلت الغرفه الا القى قدامي وحش.... كان يسب ويشتم وانتي ايش دخلك فيني ويحلف مايدخل المساجد وانتي تبغين تمشيني على كيفك.... حاولت اهديه واطلب منه يأجل النقاش لبعد الفطور... قام دفني عالسرير وعمل حركات قذررره ما اقدر اوصفها لكم وانا كنت ابعده وهو حاول يغتصبني بنهار رمضان بالاخير انا عضيت لسانه بقوه وطرت وقفلت على نفسي باب الحمام.... كسر الباب علي وسحبني وعطاني كف علم على وجهي وصار وجهي مشوه من علامات اصابعه النجسه وكله ورم مرعب... وراح اخذ جوالاتي وفصل التلفونات حتى ما اكلم اهلي.... وراح طلع بعد ساعه جاء ومعه فول للفطور.... دخل علي على اساس بيبوس راسي.... دفيته وتفلت عليه بمكان وقفته وقلت له يطلع احسن له... جلس يصيح ويبوس ويقول انا مدري ليه يصير معنا كذا ويترجى..... انا وقتها انفجرت عليه انت لو رجال ماتسوي كذا انت سافل انت اخس انسان ومن هالكلام.... وهو يقول صح صح ايش تامرين... قلت له من اليوم ورايح لاتعدني زوجه لك واذا تبي رح تزوج وفكني لاني اكرهك كره العمى... قعد يقول انه يحبني ويدعي على نفسه بالشلل والموت... بالاخير اتفقنا انه ماينام معي بغرفه وحده.... ولا اجتمع معه على سفره وحده.. ولا يكلمني ولا اكلمه... بالبدايه رفض بعدين وافق... وانا حلفت ما اذكره بأي فرض ديني بعد ما اقيمت عليه الحجه اليوم... طلع هو ورجع للبيت عالساعه 11 معه بوكيه ورد كبيييير وجايب السحور من برا.... عطاني الورد ورميته عالطاوله وقال تسحري قلت ما ابي... اكل هو لحاله وانا تسحرت خفايف لحالي..  


انا كارهه زوجي من مواقف كثيره.... احتقره وانفر منه ودايم ارفض اعطيه حقه الشرعي لانه مو كفو... والمصيبه انه من فتره قريبه طلقتي طلقه اولى ورجعت له بعد واسطات كبيررره... تسنع فتره بعدين انتكس... وانا للاسف رجعت خوفا على نفسي من الطلاق وعشان بنتي... والحين اخذ حبوب منع حمل لاني ما ابي ارتبط فيه بعيال...  واهلي مسافرين بعد يومين وبيجلسون 10 ايام بين مكه والمدينه... ولا ابي اخرب سفرتهم...




انا تعبانه نفسيا وعضويا... عايشه مع واحد تمادى فوق اللازم بكل شي... كارهته ودعيت عليه بكل فرض امس من حر مافيني... حسبي الله ونعم الوكيل..