تخيلوا ماتت قبل لا اشوفها00000000000

السلام عليكم ورحمه الله وبركاته
كفكم خواتي هذا موقف مريت اليوم فيه عساكم ماتشوفونه
كانت ساكنه في الدور اللي فوقي جاره لبنانيه حليوه اخلاقها وبعد شاء
القدر ونقلت
جاءت وحده ثانيه تقريبا قبل سنه
المهم00000000كل مره اقول بسير عليها وانشغل
مايشغلنا الا في طاعته
وكل يوم بكره
اللي بعده بكره
في رمضان كنا نصلي سوا في مسجد واحد
وكل مره اقول الحين بطلع واكلمها ويوم اطلع مالقاها
واليوم في مدرسه بني قالت ماما شوفي هذا ولد جيرانا اللي ساكنين فوق قلت فرصه اسلم عليها واعزمها
المهم الولد كان مع وحده ماتشبه امه جيت وسلمت على الحرمه قلت لها انتي ام فلان قالت لا
قلت اجل هذا مهو فلان قالت الاهو قلت اجل هي وين قالت راح ت راحت
بس قالت كذا تعالو شوفوا نظره الولد عمره 8 سنوات والله يبنات انه يضحك وعيونه مليانه دموع
المهم قلت قريب كان تبعده شوي وقالت توفت انا كاني ماسمعت شي قلت وين قالت لا توفت من اسبوعين جاتها عين ولا عرفوا الاطباء وش فيها وتدهورت صحتها بسرعه وتوفت قلت وعيالها قالت البنت مهي حاسه قلنا امك في المستشفى
ممنوع عنها الزياره وهي عمرها 10 سنين لكن الولد حاس انه في شي وهو متعلق فيها مره والله اني لما شفتهم قمت اتصدد عنهم احس اني ببكي خلاص وهي الله يرمها كان ودي اقابلها بس الله ماراد
ادعولها يبنات الله يرحمها ويسكنها فسيح جناته ويجعل قبرها روضه من رياض الجنان قولوا امين