الرياشه @alryashh
عضوة فعالة
تخيلو ايش اكتشفت عن زوجي بعد سنتين يارب فرج همي
كنت في امان الله مبسوطه وجالسه انا وزوجي بغرفة النوم ندردش وفجأه جاتني رساله يافلانه اعرف ان الموضوع حيصدمك لكن زوجك متزوج من سنتين وعنده ولد من اربعه شهور تخيلو ساعتها كيف وضعي الكلام هاذا من شهر واسبوع وانا الى اليوم هاذا ودمعتي ماجفت --نسيت اقولكم لما واجهته اعترف ان الموضوع صح وقعد يدعي على المرسل المشكله يبنات زوجي يتكلم عنى قدام اصحابه قد ايش هو سعيد معايا والله والله انا متزوجه من 20 سنه ماشفت منه الا كل خير وكريم ومحافظ على الصلاه عمري ماسمعني كلمه جرحت مشاعري -كمان من كلامه يقول انا لو مت انتي ماتطولي بعدي قصده انه اصحابه لو واحد يفكر يتزوج حيفكر فيك وتراني ماازكي نفس انا من عايله غنيه لكن الله يعلم عمري ماحسسته بشي يضايقه من تزوجته وانا اجلس عند ارجوله البسه الشراب وفين وفين لما يروح ماافطره اخرجه من البيت كانه عريس ادلعه باحسن الكلام ومطيعه ومؤدبه ماارد عليه وقت مايكون زعلان وبيتي ونفسي نظيفه مربيه عيالي احسن تربيه اقوله ليش تزوجت يقولي مجرد فتح بيت لامراه مطلقه استر عليها واحفظها من الانحراف لاغير وترى ماخذها مسيار يروح على حسب فضاوته -من حبي فيه ماني قادره استوعب الموضوع المشكله الان قلتله لو تطلب ليله انا بخرج من حياتك ليه تتزوج باالسر وتحطني قدام الامر الواقع كثير من الرجال لما يفاتح الموضوع مع زوجته ويحصل مشاكل يتراجع بسبب العيال او حبه لزوجته او او اي شي تاني انا ليه الان يطلب ليله وليه هيه ترضى تتزوج باالسر ولان تبغى العلن وهو عارف لو خيرته بيني وبينها حيختارني انا لانه يموت عليه والله مستحمل مني شي ماتتخيلوه من البكى والنكد يقولي والله من تزوجت حبيتك اكثر وقربت منك اكثر ماادري ايش يقصد هل شاف عيوبها او ماشي مع المثل الي يقول ماتعرف خيري حتى تجرب غيري - وبعدين يقول مابغاه تعرف انك عرفتي لاني ماابغى اعطيها ليله مثلك-اعرف حبيباتي حتقولي اصبري واستغفري انا معاكم هاذا الصح بس والله لايكلف الله نفسا الا وسعها ودايم مع نفس اقول اللهم هاذا قسمي فيما املك فلا تلومني فيما تملك ولا املك--ليه ترضى تكون نكره في البدايه حتى لو طلب زوجي منها وليه الان تطلب العلن ليه ليه وزني راح من كثر الهم وتفكيري مشرد وكرهت الجمعات والزيارات ودايم متضايقه ايش الحل حبيباتي الله لايكتب عليكم النكد والهم
326
33K
يلزم عليك تسجيل الدخول أولًا لكتابة تعليق.
م ه الشرقيه
•
الله يفرج همك اختي
sh-- mo
•
والله يختى مشكلتك ما لها حل الا الصبر ان الله مع الصابرين والرسول صلى الله عليه وسلم تزوج على حبيبته عائشه التى مات في حجرها فكيف تبغينا نلوم رجال من عامه البشر خلى املك بالله وحافضي على بيتك والله يكون بعوننا على صدمات الحياة الحمد لله اننا مسلمين وان الله مايضيع الاجر
الصفحة الأخيرة