تخيلو راتب زوجي 16 الف وعايشين فقراء

السلام عليكم
صباح الخير
انا عندي مشكله بالنسبه لي عظيمه يمكن تكون عند البعض تافهه او أني مكبره الموضوع بس بالنسبه لي مخليه نفسيتي زفت ومحطمه
بأبدا مشكلتي من البدايه انا زوجي ولله الحمد والمنه راتبه 16 الف ريااااال صافي لاقروض ولاديون وانا متأكده من هالشي الف في الميه لاتجي وحده تقول يمكن عنده ديون ماقالك عنها طبعا اهله بعيد ومقتدرين ومبسوطين ولله الحمد يعني لايصرف عليهم ونادرا يجيب لهم هدايا
طيب بتقولون وين المشكللله
المشكله يااخواتي أني كأني عايشه براتب زوج الف ريال وربي
لاالبس لااتمشى مااشتري شي بخصني أبدا الا لضروره القصوى مثل ادويه وعلاجات
وممكن يخطر ببالكم ان زوجي بخييييييييييييييييييييييييييييل
بس الواقع يقول أني زوجي كريم جداً جداً ويحب الزين وكل شي غالي ونفيس
بس فلوسه ضايعه ضايعه ضايعه
ماادري وربي وين تتطير مايجي يوم 10 بالشهر معاه ريال ولاتسالوني وين تفاهات تفاهات وأشياء عاديه واللي ضاع فيها انا يعني اكل المطبخ يشتري يشتري يشتري لين يقول بس واغلبها ماتؤكل وياويلي اناقشه هو الصح وو حر
يروح تصليح بسياره الخرده اللي معاه تخيلو واحد بذا الراتب وسيارته خرده
يروح في الصيدلية
يروح لسباكة البيت
يروح فواتير جوال
ويابنات ماخليت طريقه علشان أساعده في توزيع الراتب كلها فاشله وهو ماساعدني
وانًاً يااخوات ضعت ولالله مااملك الريال بجيبي امس نزلنا السوق نتمشى وكل الدنيا تخفيضات تقطع قلبي ودي اشري يقول مامعي وهو فعلا مامعاه
لي اربع سنوات متزوجه ماقد نزلت السوق وتقضيت براحتي
والله دولابي فاضي حتى لبس بيت قمصان أخذها من امي وكل مااصيح واقوله يقول الشهر الجاي ابشري واذا جا الشهر الجاي قال مامعي الا حق المصروف الشهر الجاي ابشري وعلى هذا المنوال
ملييي يييييييييييييت اربع سنوات ماشفت شي
اتمنى انزل السوق اقش لولدي ملابس براحتي العاب مااقدر وان نزل علشانه بالقوه تشوفونه على نار اضطر مااتعدى السعر ميتين ريال ليش طيب ليش
اقسم بالله محرومه
والمشكلة حتى يوم كنت عند أبوي محرومه من الزين مع ان أبوي ماشالله دكتور وتخيلو كم دخله غير العمائر بس بخيييييييييل للأسف واللي كانت تقوم مكانه امي الله لايحرمني منها موظفه بس حنا درزن بنات تجيب لمين ولا لمين
والحين للأسف حتى بعد ماتزوجت صرت ألجأ لامي وش اسوي مضطره معقوله مااشتري شي نفسي فيه
اذا احتجت شي اجلس كم شهر اقلبها برأسي واطلب امي وانا مستحيه
صح أجار للبيت بس مو بس ينضغط قبل الاجار كل السنه ماعنده شي وش ذا الحياه
انا اللحين حامل وانتفخت مره ماعاد دخل فيني لبسً البيت القديم وميته أبغى قمصان وسيعه يقول ماعنده ومضطره امي تشري لي
طبعا اغلب ملابس ولدي من امي
اغلب العابه هدايا ومن امي طبعا
مليييييييييييييييييييييت ولاتقولون ماقسمت الراتب وماساعدته وماوفرنا ماخليت طريقه ماخليت حيله ورافض راتبي وانا حر وانا اللي ضعت
تخيلو النت ماعندي امي اللي شرت اللي المودم
تلفزيون ماكان عندي الا واحد وهو عليه اربع وعشرين ساعه ع المباريات
امي شرت لي
اغراض البيت الكماليات التحف بعض الزل كماليات البيت امي شرت لي
واللي جاب هالسيره
كان فيه عزيمه كبيره مره مسويتها وحده من اقاربنا طلعت من النفاس وطلبته فستان قال ماعندي ونفسي اروح كل خواتي وامي ومعارفنا بيحضرون والحرمة لزمت علي لو تشوفون وانا ارقع اللبس ماعندي وبطني كبر وحالتي حاله
كلهم يحسبوني أسبح والفلوس مادروا
ويوم رحت اشوف البنات بسني اللبس والكشخه والمكياج بمشغل واحدث صبغات واحدث قصات
ورواتب أزواجهم وربي ماتتعدى 9 الاف وانا راتب زوجي الضعف ماقدرت استر نفسي بلبس مايتعدا 200 ريال كل الدنيا تخفيضات رجعت ابكي بغيت أموت وامي حست فيني بس وش اقول وش اقول فشيله اقولً لاحد مشكلتي تفشلً
اللحين أقنعته اقسم بالله ثلاث سنين اقنع فيه ياخذ سياره يشتري بالتقسيط ويفكنا من الخرده اللي معانا وتوه اقتنع
وياخوفي بعد التقسيط معاد نلاقي ناكل
يابنات ادعولي
وكل وحده تقولي معاي حق انقهر وأتعب واتحطم ولى هذا رزقي وكبره الموضوع
انتوا كيف اوضاعكم مع أزواجكم
وقلته على فكره يعطيني مصروف طيب ويسحب كل شهر وانا تعبت وتعز علي نفسي الشحثه كل شوي
وبعد حافز ماقد اهلوني :(
اللهم لك الحمد كما ينبغي لجلال وجهك وعظيم سلطانك