كيفكم يارب تكونو بخير وصحه وعافيه
انا يابنات تقريبا من عيد رمضان مسويه تخفيف وامشي على السير ماتعشى الا نادر وشلت الشوكلاتات والغازيات وحتى الشاي بدون سكر
ولي شهرين وشوي ماوزنت لان الميزان انكسر المهم الملابس امبينه اني نازل وزني بس شي بسيط المهم رحت للسوق عشان اقيس وزني طبعا في نفسي طايره قلت اكيد اني نازل 3او 4او5 كيلو الا الطامه اني زايده 3 وثمان ميه جرام والله بغيت اصيح لين كل الي بالسوق يسمعني ماني مصدقه بعد كل تعب الشهرين وفي رمضان يعني نوعا ما اخفف اطلع زايده مستحيل تصدقون بغى يصيبني انهياااااااااااااااار عصبي المهم قلت لا مستحيل وطلعت مريت اخوي ازوره وانا بصدمتي واشوف مترزز عندهم هاذاك الميزان الي وش حليله وعيوني طول الوقت عليه قلت في نفسي اكيد ميزان السوق ماهو دقيق وبعدين كنت لابسه عبايتي اكيد زايدني كم كيلو مالكم بالطويله واطير على الميزان حق اخوي والقطه وطيران على غرفه ثانيه عشان ماحد يشوفني حشى كاني حراميه المهم وارمي نعالي جنب واطمر فوق الميزان الله لايعوده من ميزان طلعني زايده سته كيلو الله هينى فعلا رضيت بميزان السوق وانسده نفسي عن السوالف والقهوه وكل شي معقول كل الي سويته والرياضه واطلع زايده وين الخطاء وانا مداومه على لاناناس بالكيوي والشاي الاخضر بالزنجبيل والخرابيط الي عليه والله فعلا حاله
اقول لكم على سر قررت اني انزل اليوم واشتري ميزان لاني ماني مصدقتهم كلهم واذا طلع الميزان الي ابشتريه نفس الحكايه راح انزله عن الصفر عشان اطلع نازله وش اسوي من الحره الي فيني
ادري طفشتكم بس والله مقهوررررررررررررررره مره والي عندها حل تسدحه لي مشكوره
يلزم عليك تسجيل الدخول أولًا لكتابة تعليق.
جوري10
•
نصيحة اذا ماتبغين يجيك احباط واكتئاب انسي الميزان طول ماانتي تسوي ريجيم واعتمدي على ملابسك اذا صارت واسعه عليك معناها انك نقصتي لكن الميزان يجيب الاحباط انا مايهمني كم وزني بالضبط وكم الرقم الي وصلت له كثر مايهمني شكلي بالملابس وقدام المرايه هذا اهم شي الله يوفقك وتنحفين بصحه وعافيه ان شاء الله .
تسلمين غاليتي جوري
بس تصدقين كانت معنوياتي عاليه لين قست وزني انواع التحطيم من اليوم راح اسوي مقاطعه للميزان
بس تصدقين كانت معنوياتي عاليه لين قست وزني انواع التحطيم من اليوم راح اسوي مقاطعه للميزان
ام كونه
•
ياعمري حاسه فيك
شوفي اخذي ميزان الكتروني مو اي كلام لانه مزبوط
وغير كذ جربي انك توقفين الخرابيط وبس خفيفي .....او في غلط في نظامك بس انتي موداريه عنه
شوفي اخذي ميزان الكتروني مو اي كلام لانه مزبوط
وغير كذ جربي انك توقفين الخرابيط وبس خفيفي .....او في غلط في نظامك بس انتي موداريه عنه
& شوشو &
•
تصدقين نفس المشكله مع امي انا اشووف جسمها انها نحفت والكل لاحظ وملابسها وسعت عليها وإذا وزنت لقيته ثاااابت مانزل ولاربع كيلوو من جد تحطيييييييم..
الصفحة الأخيرة