أنا تزوجت قبل أختي الكبيرة وأختي مريضة وسبحان الله تزوجت عقبي وماتوفقت تم الطلاق سريعا وأحس دايم بتأنيب الضمير اول ماكنت أحس فية لكن بعد طلاقها وتدهور حالته النفسية دايم ألوم نفسي مع أن كثير من جماعتنا تتزوج الصغيرة قبل الكبيرة لكن أنا الموضوع هذا مسبب لي غصة في نفسي ياليتها توفقت في زواجها كان الموضوع بيكون عادي لكن ماأقول غير الحمدلله والله يعوضها خير

انا بنت خالي الكبيرة ما تزوجت ولما خطبوا اختها الصغيرة بصراحة رفضت في البداية بس بعدين اقنعوها وراحت واستاذنت من اختها الكبيرة واكيد ما قالت لها لا

يعني كان المفروض تطيب خاطرها بالاستئذان ومثل ما قالن البنات على حسب الاعمار

هذي ارزاق وقسمه ونصيب والاخت الصح تفرح لاختها هي ماقطعت رزق جاها نصيبها خلاص الله يوفقها اجلسها بعد تروح احسن وكلن ياخذ نصيبه

انا زوجت اختي الصغيره بنفسي وجهزتها من والى واهديتها كثير من جهازها عطور وملابس وفلوس التصوير ولكوافيره والنقش من عندي هديه وانا لسه مااتزوجت واحب اختي واولادها كثير لو وقفت بنصيبها ظلمتها كل شخص له نصيبه حتى بالعائله كثير قلدونا بهالحركه باامانه شديده اختي جميله جدا وانا عاديه ومااضمر لها الا الحب والخير

أنت دايما تتعذرين بزواج الصغيرة قبل الكبيرة بالقضاء والقدر..طيب ليش الصغيرة ماتقول أن ربي قضى عليها الزواج بعد اختها الكبيرة ولازم تصبر حتى تتزوج الكبيرة موهذا بعد رضى بالقضاء والقدر من الصغيرة..!!
ولا الرضى بالقضاء بس للكبيرة والصغيرة لا..!

ترا أنا متزوجة وماعندي خوات اصغر مني والله..بس حاسة بحرقة بنات كثييييييييييييييير