تخيلي انك رشيقه

السلام عليكم ورحمه الله وبركاتة

في البدايه احب اقولكم اني عدوة نفسي وكل وحده سمينه عدوه نفسها لأني حارمه نفسي من كل شي حلو في هالدنيا

بتقولون كيف اقولكم كيف

اذا كنتي متزوجه شوفي نتيجه السمنه:

1- صعب انك تتكشخين عند زوجك بالملابس الحلوه او المثيره لأن مافيه مقاسات على جسمك واذا لقيتي لازم تكون ضيقه على الكرشه والتضاريس الي خلف ويكون شكلك كأنك في شرنقه مو فستان الله يخلف هذا من غير قمصان النوم اذا لبستيهم كانهم قمصان مستشفى مو نوم حتى انتي اذا شفتي نفسك في المرايه تنسد نفسك فمابالك بزوجك المسكين واتحداك تتجرأين وتغيرين ملابسك قدامه خايفه ينصعق من التضاريس الي بيشوفها ويتحسر على عمره

2- في وقت العصر وانتي حاطه الشاي والقهوه ومتعبه نفسك وقاعدين تشوفون التلفزيون وانتي شاقه الوجه من الوناسه فجأه تطلعلك وحده من الممثلات او المذيعات الي تصرف راتبها على جسمها وخشتها ركزي على عيون زوجك وين تروح تلقين سعابيله تقاطر كأنه ماشاف خير <<<<<<<< اكيد ماشاف خير وين يشوفه ياحسره
يبدأ الزوج في هاللحظه يطلع الأخطاء المليون بين زوجته العزيزه وبين المذيعه صاحبه القد المياس
انتي في هالحاله سوي نفسك مانتبهتي وصرفي نفسك للمطبخ والا اقرب غرفه

3 - عزيزتي الزوجه السمينه انتي لاتعرفين مايفوتك من المتعه في ممارسه حقوقك الزوجيه خصوصا عند النوم مع زوجك المسكين فأنتي بحكم اطنان الشحوم المتكدسه على بطنك وافخاذك يعاني الزوج المسكين من التعب بسبب الجهد الكبير الذي يبذله كي يصل الى ادا واجباته الزوجيه

هنالك اشياء كثيره لم اذكره حرصا على عدم جرح مشاعر الزوجات الدبدوبات

وعشان ارفع من معنوياتكم بقولكم على موقف حصل مع زوجي

مره كنت جالسه مع زوجي الكريم ونطالع التلفزيون لابارك الله فيه وانا عند روحي اني مسكته وواصله حدي في الدلع الدلال وكل شي وفجأه طلعت لنا هيفاء وهبي وهي لابس بلاوي متلتله ومبينه مفاتن جسمها كلها هنا تعالي شوفي عيون زوجي بتطلع من محاجرها والا سعابيله كأنه ماشاف انثى ابد <<<<<<<< الانثى هي انا - ايه هين - المهم هذا يهون على الكلمه الي طلعت منه غصب ومادرا اني سمعتها وجلست معي شهر كامل وهي تفتر في راسي وكرهت عمري وكل الدنيا بس بعدين عذرته تدرون وش قال ؟؟؟؟؟؟؟؟

قال عزالله ماتزوجنا ؟؟

تخيلو موقفي انواع التحطيم

تدرون ليه عذرته لأني انا السبب في كلامه الى هالدرجه احب الاكل وما اقدر امسك عمري

ياناس ياعالم والله الاكل موجود مهوب طاير بنلقاه بعدين اذا نحفنا تخيلي حياتك وانتي رشيقه كيف تلبسين وكيف تمشين وكيف تنامين وتتكلمين حتى شكلك بالعبات يختلف

تعبت اصابعي من الكتابه والي في خاطري ماخلص وعساني ماطولت عليكم ووتقبلو تحياتي