تخيلي (حمص بدون حمص) ... الا اقولك وش له تخيلين.... تعالي شوفي بالصور

! طـواري ! • 15 سنة

تحبين الحمص

وتحتاسين معه وماتضبطينه مره تنقعينه ومر تسلقينه ومره تشترين العلبه جاهزه تحاولين تضبطينه ومايضبط معك
يطلع ياخفيف ياثقيل

عندي لك الحل وانا ام ليان
مقاديره متوفره بكل بيت سهل جدا ولذيذ واي وحده تقدر تضبطه
طعمه طعم الحمص البيروتي المثوم

طلبات مكونه من

بطاطس

زبادي

طحينه سايله

ملح

ثوم

+5

! طـواري ! • 15 سنة

لبن

خلاط... كاس

وبس

وممكن تضيفي قليل من البقدونس اذا حبيتي

! طـواري ! • 15 سنة

شفتوا كيف المقادير سهله وموجوده بكل بيت

هذا سالفته سلمكم الله قريبتي الله يسعدها ذوقتنياه وطلبت الطريقه منها توقعت انه حمص وقالت مافيه حمص ابد ابد بتاتا البته :eek: وطلع شكلي كذا لاني كل يوم محتاسه مع هالحمص ابي اضبطه وخاصه البيروتي اثاري السالفه كذا ــــــــــــ مهنا حمص
وهي ماخذه الطريقه من اختها وهلما جرى :)

ادعوا لهم لاتنسونهم من دعواتكم لولا الله ثم هم ماذقنا الحمص :icon28:

يالله شمروا عن يديكم سووه ولاتنسوني انا من دعواتكم
ويازينه مع المشوي والبروستد والمقبلات

المقادير:

3 حبات بطاطس متوسطه مقطعه اصابع ومقليه (ايه مقليه ... لاتطيرين عيونك ــــ قاريه صح)

1 فص ثوم كبير او حسب الرغبه
علبه زبادي
ملعقه كبيره غير مليانه طحينه سايله
ملح

صوره تذكاريه قصدي جماعيه للمقادير

الطريقه:

في الخلاط توضع جميع المقادير ماعدا اللبن وتخلط

راح تطلع معك ثقيله مره زي ماتشوفون

اضيفي اللبن بدون قياس بالتدريج والخلاط شغال حتى توصلي للسمك المطلوب وحتى ينعم الخليط مره

راح تلاحظين انه بدا يخف معك برضو زيدي شوي لبن لايلعب عليك الحمص مثل مالعب علي لانك لو حطيتيه بالثلاجه راح يثقل مره بس انتبهي يطلع معك خفيف وتزيدين جرعه اللبن

ضعيه بصحن التقديم وزينيه بزيت الزيتون والسماق وحبات الحمص ماكان عندي حمص

+1

! طـواري ! • 15 سنة

وهذا الحمص وصل

ولاتتلقفون وتطير عينكم على الصحن اللي جمبه بيجي له يوم

وهذي للتعذيب زي ماتقول شذى

الافضل تسوينه قبلها بيوم حتى يتسبك الحمص وياخذ نكهه الثوم ..ــــــــــت مصدقه انه حمص

الا اقول ماكن الموضوع غدا حجز مقاعد غدينا مثل الطياره ...........:22:

وقفه:

اللهم من اعتز بك فلن يذل،
ومن اهتدى بك فلن يضل،
ومن استكثر بك فلن يقل،
ومن استقوى بك فلن يضعف،
ومن استغنى بك فلن يفتقر،
ومن استنصر بك فلن يخذل،
ومن استعان بك فلن يغلب،
ومن توكل عليك فلن يخيب،
ومن جعلك ملاذه فلن يضيع،
ومن اعتصم بك فقد هدى إلى صراط مستقيم،
اللهم فكن لنا وليا ونصيرا، وكن لنا معينا ومجيرا، إنك كنت بنا بصيرا