السلام عليكن ورحمة الله وبركاته اتابع احد المنتديات ووجدت مرثيه لابن احد المشرفين(رابح الغضيان) في ابنه (هيثم) الذي وافته المنيه في حادث قبل ثلاثة اسابيع ...وكتب فيه ولده هذه الابيات اللتي تبكي الحجر:(
لاأراكم الله مكروه بعزيز
هيثـــــــــــم
ليله يابن سابل طويلـه عصيبـه
ياطول ساعاتـه معـه عذبتنـي
والوقت جايـر والليالـي كأيبـه
وبقعاء يابومصعب بجوره رمتني
نجمي هوى واضلم سماي بمغيبه
وطفت شموعٍ بالفـرح لازمتنـي
اداري العبره بصـدري نحيبـه
وصرخة ألم تفجرت وجرحتنـي
والنار في جوفي تزايـد لهيبـه
والحزن خيم يوم بقعاء افجعتنـي
والضيم خنجر والضلوع الضريبه
مع عبـرةٍ بلعتهـا واشرقتنـي
فارقت شبلي والمفارق مصيبـه
ودّعت (هيثم) والدموع اغرقتني
عقب اتصاله في دقايـق عجيبـه
كلمه وكنه صاعقـه وصعقتنـي
تأكدوا بعـض الاسامـي قريبـه
ورسالتـه يادوبهـا واصلتـنـي
دقيت رقمه قلت صامت بجيبـه
عندي امـل لوالعلـوم اذبحتنـي
خايف عليه وخوفتـي ماتعيبـه
حرٍ صغيـر وطلعتـه معجبتـي
تقفّـل الجـوال بالوضـع ريبـه
ولاني قريب وحيرتـي كبلتنـي
صرخت بوجيه الرجال الشحيبـه
قالوا عوضك الله قلت ألزمتنـي
قالوا توفـى قلـت ربـي يثيبـه
صغير والدنيا عليـه اعجلتنـي
دعيّت ربي خالقـه يعتنـي بـه
وانا رضيت بقدرتـه وحكمتنـي
وهللت باسم اللـي عليـمٍ بغيبـه
وكبّرت لـه تكبيـرةٍ عززتنـي
عين الولي فوقي وفوقـه رقيبـه
ويعلم عن اللي بالحشى ضايقتني
لوانها بالهـوش محـدٍ يصيبـه
احط روحي درع وادحم بمتنـي
اضفر بهيثم وانتخـي واعتزيبـه
ولا انضام لوكل العرب حاربتني
والله مايقفـي طليـب بطليـبـه
روحي فدا ولجل فـداه ادفعتنـي
بس المنايـا نوخـت بالغصيبـه
غصبٍ علي يابوك ماشاورتنـي
غليبتـي مامثلهـا مـن غليبـه
وكل الزوايا عنك ياما اسألتنـي
عزاي بالفرد الصمد نلتجي بـه
جرحي عميق ولوعتي جرجرتني
خذاه من فرق صحيب وصحيبـه
مكتوب والفرقا معاهـا اكتبتنـي
كتبت اسمه فوق ذيـك النصيبـه
لجل الزيارة كان رجلي قوتنـي
جوني يعزوني جمـوعٍ مهيبـه
وشوف يـده بينهـم صافحتنـي
ماني مصدق وانتظر من يجيبـه
وكلمة توفى بحدهـا شرحتنـي
ومن قالي ماجور بذهول اجيبـه
اجاملـه لـو كلمتـه خانقتنـي
امنتك اللـي كلنـا نلتجـي بـه
ربٍ رحيم ورحمتـه واسعتنـي
يروف في قلبٍ تـوارى حبيبـه
عساه يشفـع بـه ليـا داهمتنـي
والسلام عليكم
الموت مايرحم والله ابكتني هالقصيده ومدري متى نتعظ!!
تدبروا معاني هذه المرثيه المحزنه فهذه الدنيا كل من عليها فاني الصغير والكبير ..
1
813
يلزم عليك تسجيل الدخول أولًا لكتابة تعليق.
ديزاين
•
اللهم ارحم جميع موتى المسلمين
الصفحة الأخيرة