السلام عليكم الصرااحه الموضوع مره حلووو
انا حتكلم عن ميزانيتي انا عايشه في المانيا وهي يعني غاليه الكل عارف فالميزانيه بنصرفها نص نص انا وأبو الشباب يعني هو يقبض الراتب من هنا يعطيني مطروف البيت 300euroاو 350والباقي له يدفع الإيجار السياره التلفون وهالخرابيط اللي يبقى والحمد لله بيبقى كل شهر شي 500euroبنخبيها يعني كل سنتين الواحد بيسافر والكل عارف السفر عند الأهل تاخدي هدايا وووو كمان الصراحه مرات اهلي يحتاجوا فلوس ابعث لهم هو امه هنا المانيه فمايحتاج يساعدها بس انا مرات الوالده تتعب او في العيد ابعث اساعد بس الصراحه مانسأل زوجي هو اللي يسأل ويقول هي امي انا لازم اساعدها مرات مايكونوا محتاجين بس هو يصر يبعث لهم
نيجي للميزانيه اللي انا مسؤوله عنها وهي كل مشتريات البيت بالنسبه للخضار والفواكه اشتري من ارخص سوبر ماركت وهدا لايعني إن الجوده مو كويسه هو نفس جودة السوبر ماركت الثانيين والله بس الثانيين يحطوها حلو او كتر الإضاءه ووووإسمه ليدلlidl او الدي aldi الإثنين رخاص طبعا اشتري اللي ينفعني واللي بطبخوا بشتري بيتزا والمعلبات الطماطم ووو اما اللحوم اشتري دجاج من السوبر ماركت الألمانيaldi مدبوح حلال مكتوب عليه اما اللحم اشتري من التركي بس انا لاحظت اشتري الدجاج الحلال من الالماني يطلع ارخص من الحلال اللي عند التركي ومثلا الأشياء اللي تلزمني للطبخ العربي اشتريها من التركي بس أضعاف مضاعفه للي اشتريه من الالماني فعشان كده بحاول مااشتري كتير من التركي يادوب اللحمه ومو كتير اشتري اللحمه المفرومه كتير اما مثلا الضاني والفيليه ووو مره في شهر او شهرين العيش من التركي بس تعلمت اعمله في البيت لاني إشتريت فرن خاص به فمرات اعمله في البيت كمان الصراحه فيه برنامج تحطيه لنفسك تكتبي كل يوم إنتي حتطبخي إيه لكل الأسبوع بعدين تشتري على حسب الجدول وكده توفري عليك كل يوم سؤال ياربي وش اطبخ وكمان يكون عندك دايما المقادير للأسبوع كله كمان انا وزوجي لو طبخت كتير وضل لليوم الثاني اضيف معاه شي خفيف وناكله
بالنسبه لأدوات التنضيف انا اشتري على التخفيض ولو ماأحتاج يضل لحد مايخلص اللي قبلهالمهم آخد اللي مخفضينه حتى الأريالariel استنى لما يكون مخفض وهنا كل2 شهر ثلاث يعملوا عليه تخفيض والله مره إشتريت علبه حجم عائلي أريال مخفضينها ل11يورو ضلت معي ست شهور او اكتر لأني بغسل ثلاث ماكينات في الأسبوع مره اجمع ستين درجه ومره اربعين الوان ثم ابيض غيره مااقعد كل يوم مشغله الغساله بقول لزوجي لاحقه على تشغيل الغساله كل يوم لما يصيروا كتير اولاد وكل واحد لازمه جبل أوساخ في اليوم ومع هدا والله بيفضل لي من مصروف البيت الحمد لله مو كل مره بس غالبا اللي بيفضل انا كل مره اطلع اتمشى وامشي بنتي لأن السوق بعيد عني بشي عشر دقايق مشي مرات اقول محتاجه حليب او او فيعني بتمشى لما ادخل لمحلات الملابس اشوف التخفيضات لو عجبني آخد لو لا لا وانا مااشوف للفصل يعني بنكون شتى او ربيع يكونوا منزلين شي لفصل ثاني او الباقي من كولكشن مثلا انا البس 36 فهدا المقاس دايما الاقي من كل كولكشن في بس هدا المقاس مرخصينه انا مره إشتريت فستان لحد الركبه جينز وماركه عشان البسه لزوجي طبعا والله منزلينه من 40لخمسه يورو مع إنه بالموسم وكلش فأنا دايما انزل اشوف كمان لبنتي اشوف لها دايما تلاقوني طالعه إلا وراجعه بشي لبنتي هههههمرات اشتري شي للمطبخ ودايما انا اشوف على الرخيص سواء كان عندي فلوس او لا احس لما اشتري ارخص بستفيد احسن لأننا بعدين اللي بنوفره بنحطه في اشياء ثانيه بتسعدنا اما لما احب اشتري لي ملابس هدا تبع التسوق اسأل زوجي وأعمل لي يوم للتسوق بس طبعا من غير ابو الشباب عشان ماأدبحه إنتوا تعرفوا الرجال والتسوق يقعد يقول يالله وش فيك عجلي وهدا الكلام انا التسوق كل فصل بس الحين صارلي سنه ماآخده ثمن تسوقي يادوب اللي بشتريه كل شهر اشتري شي منزلينها وهدا يرجع إني كنت بالصيف في بلدي وإشتريت للسنه كلها حتى ملابس البيت والله اما الخروج فأنا بعبايه فلما اشتري من هنا أشتري القصير وملابس ثانيه تتلبس بس في لبيت
اما بنتي فماعليها كلام كل شهرين او ثلاث لازم نعمل100يورو او سبعين نشتري لها كل شي من الملابس اولا ماشاء الله الأطفال بيكبروا وكمان هي خارج الميزانيه لأن بيسهل علينا الراتب اللي بيعطوه لها تعرفوه هو أ150يورو فهدا كافي وكمان بنوفر منه بيكفي للبامبرز والحليب اما الأكل فهي الحين سنه ونص فبتاكل معنا بس قبل كنت دايما اطبخ لها اكل وهدا بالمره مو مكلف
بالنسبه للاكل بره هدا مو على قاموسنا حتى لو إشتهيت شي من بره يروح زوجي يجيبه وناكل بالبيت لما كنا في بلدي طبعا نطلع اناكل بره وووو بس هنا لا مافي مطعم وولا شي ولما يكون الجو حلو اعمل ساندويتشات لحم او اي شي وعصير ونطلع لمكان فيه خضرا ومافيه ناس وناكل هناك ونستمتع بالجو او غابه المهم بره وانا احبها اكتر باكل على راحتي واقعد كمان لافيه من يبصبص ولا شي
اتمنى ماأكون طولت ولو إنه شكله طولت بس يارب اكون افدت ولو بفكره ولسه فيه بس لما ارجع نلتقي بكم بعد الفاصل هههههه
السلام عليكم الصرااحه الموضوع مره حلووو
انا حتكلم عن ميزانيتي انا عايشه في المانيا وهي يعني غاليه...
وحلو الواحد يتحمل مسؤلية مادية يقدر فيها ثمن الفلوس حنا تعودنا على اللعب بالفلوس بدون مانحس أحس هنا مرة استفدت وتعلمت وين أصرف وليه ومتى
ياليت البنات يكتبون تجاربهم عشان نستفيد
وأنا مستعدة أتساعد أخطط ميزانية لكل وحدة وأي وحدة تقدر تعدل بميزانيتي وتخدمني أكون لها من الشاكرين