)))تدبيــــــــــــــر المصاريف و توزيــــــــــــــــع الراتب )))

سكاكر ملونة :

شوفي ياحبيبتي .. أحسن شي أول ماتستلمين الراتب أو حتى قبل الاستلام بليلة .. جيبي ورقة وقلم واكتبي فيها مستلزماتك لهاالشهر .. وكل حاجة كم المبلغ المتوقع لها كسقف أعلى ( يعني ممكن تشتريها بأقل بس موبأعلى ) .. مثلا .. حذاء = 200 ريال .. اكسسوارات منزلية = 170 .. شرشف سرير= 100 ... إلخ .. بعدين إذا كنتي من النوع اللي يتلذذ بالشراء يعني ماتنبسطين إذا رحتي السوق إلا إذا شريتي فقسمي هذه القائمة على الشهر .. الشهر = 4 أسابيع تقريبا .. الأسبوع الأول .. حذاء الأسبوع الثاني .. الاكسسوارات .. الثالث .. الشرشف .. يعني كذا أسبوعيا تطلعين وتشترين ( هذا إذا كنتي من النوع اللي عنده هوس الاستهلاك ) .. هذا أمر .. أمر آخر .. اسحبي من الراتب في بداية الاستلام مبلغ ثابت شهريا حتى لو كان بسيط 100 أو 200 وحطيهم في ظرف على جنب وقولي لنفسك هذه للمشاريع اللي يبيبلها تجميع فلوس مثلا ( شراء فريزر - لابتوب - كنب .. إلخ ) لا تقولين اشتريها بالأقساط لأنها راح تطلع لك في النهاية أغلى ( إلا إذا كنتي مستعجلة ومضطرة عليها ) .. كذلك خصصي لك مبلغ معين كل شهر أيضا ( عاد هذا حسب راتبك ) و سميه ( أنا حرة ) خليه للأشياء اللي تعن عليك فجأة وإنتي ماخططتي لها وإنتي في السوق ( تشمل الخفايف والعصيرات وغيرها من المشتروات .. ) .. كذلك خصصي لك مبلغ شهري ( لو عشرة ريال ) صدقة فالصدقة تبارك في الرزق .. ودائما هذه الأشياء المخصصة شيليها في الأول ولا تنتظرين لآخر الشهر .. واسألي نفسك عند شراء أي سلعة : هل أنا محتاجتها فعلا ؟ وهل من الضروري شرائها الآن ولا أنتظر موسم التخفيضات ؟ أتمنى أكون أفدتك .. والله يوفقك .. ادعيلي بالوظيفة ..

شوفي ياحبيبتي .. أحسن شي أول ماتستلمين الراتب أو حتى قبل الاستلام بليلة .. جيبي ورقة وقلم...