تدخلات خوات طليقي بعيالي

خوات طليقي تدخلن بولدي اخذن ملف ولدي ومسجلاته بالروضه اللي مختارتها له عند عيالهن وانا اخر من يدري من الناس انهن مسجلاته وانا ام على الهامش مخبيات عني يتصرفن على كيفهن ومصرفات ابوه وبيصرفن عيالي مع ان عيالي عندي
والمفروض ان ولدي يدرس السنه الجايه مايصير بالمدرسه مو روضه
يتدخلن باعيالي عن طريق ابوهم
قبل اسبوعين جاء هو واخوه نص الليل س 2 وسب فيني وفي اهلي بدون سبب ويعير عيالي بلبسهم ويكذبون علي هو واخوانه اني اخبي لبس عيالي والبسهم المتقطع واخذهم يومين وداهم لاهله و خواته يسبني عند عيالي ويحققن معه بكل شي وش اسوي وش احط هن وابوهم
اجلس عند بابا ونام عنده يحرضنهم انهم يكونون عند ابوهم
ولدي يقول اسد اذني لين تخلص سالفتهم بك
ولدي كرههم عشانهم يسبوني عنده
ودي وقفهن عند حدهن
اهلي رافضين اني اتكلم او ارفع عليهم قضيه
منقهره من تصرفاتهم من جهه ومن تصرفاات ابوي وخواني من جهه لاتكلمين طنشي بتفضحينا بين الناس تصيرين راعيه مشاكل زيه خليه يعود ويمل وهو يتمادى مايمل
اخوه ندم خاف اني اشكيه عشان مركزه او اني ادعي عليه يبرر ويكذب انه ماجا وان ماله دخل بعد ماسبني
حتى قضية الحضانه والنفقه رفضينها
كل شوي يصرفوني بعدين ترفعين
الحين فواتير الاغراض اللي من حسابي لهم مخبيتها عشان اقدم للمحكمه الله يلين ابوي لي واخواني