السلام عليكم،
اللى تذكر مشكلتي باختصار جاب بنته عندي البيت و ابتدت المشاكل اول شي طلقني و بعد ما ردني بفتره ضربني و تركت البيت و رحت بيت أهلي.
البنت خذاها عند امها، و اعتذر ووعدني ما يتكرر هالشي.
وين المشكله، ان امي تبي تقعد معاه قبل لا يردني البيت، حلو . لا مو حلو
هو لما طلقني امي سمعته كلام و جابت القديم و الجديد و اهو بعد ما رجعت له ظل شايل في قلبه من الكلام اللى سمعه، و انا اعرف اذا قعد مع امي مره ثانيه بتسمعه كلام اكبر و راح يحقد زود و بكذا تكبر المشكله .
الحين شالحل، مابي احد يقول مفروض انك عملتي او ما عملتي ابي ردود واقعيه و عمليه شالحال.
امي حالفه علي اني ما ادخل بيتها اذا رجعت له من غير لا تكلمه، و اذا كلمته انا ما راح اطلع من بيتها اكيد عقب اللى بيسمعه.
اشرايكم؟؟؟؟؟؟؟؟؟؟
الرحيق المختوم @alrhyk_almkhtom
عضوة فعالة
يلزم عليك تسجيل الدخول أولًا لكتابة تعليق.
هذا البلى لاتدخلو الاهل والله انا اذا دخلت اهلي كبرت كبرت والكل عرف وخلاص احس اني مخي تشششتتت...
فعشان جذي قمت اسكت ولا اقول لامي اي حرف واحل الامور بيني وبين زوجي.
والله يسخركم لبعض
فعشان جذي قمت اسكت ولا اقول لامي اي حرف واحل الامور بيني وبين زوجي.
والله يسخركم لبعض
امك جالسه جالسه معه الله لايعوق بشر
مار مالك الا انك تصارحين امك بانه ماتثقل عليه العيار
والله يعينكم ويستر عليكم ويوفق بينكم
مار مالك الا انك تصارحين امك بانه ماتثقل عليه العيار
والله يعينكم ويستر عليكم ويوفق بينكم
الصفحة الأخيرة
انتي كرامتك وكرامة اهلك وبالذات والدتك ماتعني لك شي ؟؟؟
زعل زوجك المتوحش اهم منهم ؟ عارفه ليه يزعل لما امك تكلمه ....... مايبي يسمع كلمة الحق لانها تضايقه
ليه ترجعين له كذا بسهوله كأنك انتي الغلطانه وقاعده تعتذري له ؟
الي عملته والدتك عين العقل حتى القرآن كلام الله قال فابعثوا حكمآ من اهله وحكمآ من اهلها ...... نتجاهل القرآن لجل زوجك المتوحش مايزعل ؟
شوفي امك لازم تكلمه مثل ماشرع رب العباد لان الله له حكمه حتى مايفتري عليكي بعدين يا اختي لما يحس انك وحيده واهلك ساكتين يعني راضيين بافعاله فيكي
انتي عارفه ليه جاب بنته عندك ؟؟؟ وعزة الله لجل يغيضك ويمرمط كرامتك ولا بنته عندها ام انتي وشدخلك فيها
خذيها نصيحه من ام بسن امك بيجيكي يوم تندمي اشد الندم انك ارخصتي كلام اهلك وخفتي على مشاعره بس بعدين ماينفع الندم
ولا تنزلي كلمة والدتك وحلفتها الارض وخليها تكلمه ويحس ان عندك ظهر ولا بتتعرضي للضرب على ايده وبعد كم سنه تكبر بنته وتهينك هي بعد من الحين امك تكلمه وانتي بعد تشرطي عليه ان اعتدل كان بها ولا بيت ابوكي اكرم من بيته
وخليه يحقد زود احسن ويعمل لك حساب ولا انه لاسمح الله يستسهل الضرب لان محد كلمه ويعوقك بضرب خطر لاسمح الله
الله يزيل خوفك ويثبتك على طاعة والديكِ ويهبك الشجاعه لقول كلمة الحق في وجه الظالم
سامحيني على نصيحتي يمكن تكون قاسيه لكن ورب البيت هذي نصيحتي لبنتي وانتي زي بنتي والله العالم لما قلتي ضربني حسيت بنتي الي انضربت ودعيت عليه الله يشل ايده
سامحيني