تدخل ام زوجي الى متى

اختي بارك الله فيك...وفي ذريتك...
احسني معاملتها بالتي احسن ولاتجعليها قضيه
وهذه قصة وحده ماشاءالله عليها كيف تعاملت معها الين كسبة قلبها..أنقلها لك بروايتها هي ...اتمنى ان تجيب معك نتيجه لالني استفدت منها..
(انني اكتب هذا الموضوع لاقنع كل زوجه متضايقه من ام زوجها....

اخواتي اود ان اقسم لكم بالله العظيم بان كل كلمه سوف اكتبها هي حقيقه حدثت لي في يوم من الايام

اخواتي تزوجت وعمري عشرين سنه وكنت ماني داريه عن الدنيا ومقالب الحريم وحركاتهم

المهم كانت ام زوجي حرمه متسلطه سليطة اللسان يكرهها الجميع من اخوات زوجها وجيرانها واقاربها لان لسانها متبري منها

عندما تزوجت تعلقت بزوجي كاي زوجه تحب زوجها000ولكن الحب يحتاج الى تضحيات واولها المواجهه مع ام زوجي00 وكان الكل يحذرني منها00ولكنني قررت ان اكسب المعركه لصالحي

في البدايه اود ان اوضح ماهو اكثر شئ اعانني على المواجهه (بعد اعانة الله سبحانه وتعالى)

((((كنت دائما اضع ببالي لو انها كانت امي فماالذي سوف افعله بهذا الموقف)))))

الان سوف ندخل اجواء المعركه وساذكر لكم بعض المواقف البعض فقط لانها لاتعد ولاتحصى

كانت تحرص ان تدخل غرفتي بدون اذن وتاخذ بعض اغراضي وتستخدمها امامي لكي تغيضني وتجبرني على الكلام (ولكن اتخيلها امي)واصمت

كنت احرص ان لا اقفل الغرفه اذا كنت نائمه وزوجي غير موجود لانها تحب ان تفتح الباب بين فتره والثانيه(ولكن اتخيلها امي تود الاطمئنان علي)واصمت

كان يوجد داخل غرفتي حمام لمن نركب له باب لانه داخل الغرفه وضعنا عليه ستاره بشكل مرتب فقط كنت اود الاستحمام احيانا وهي موجوده بالغرفه اخذ روب الحمام واغلق الستاره واتروش عادي جدا وبعدين البس داخل الحمام(ولكن اتخيلها امي استحي اقولها اطلعي برى) المفروض هي تستحي

كنت انام الظهريه عندما يكون زوجي بالعمل واكتشف انها نامت معي بنفس السرير عندما كنت اغط بالنوم لاني اترك الباب مفتوح لها كما اسلفت سابقا وكانت حجتها ان مكيفها حار ومكيفنا ابرد 00والبيت فيه خمس مكيفات مااختارت الا غرفتي(ولكن اتخيلها امي)واصمت

كانت تقتحم غرفتي وتفتش بين ملابسي بحجه ان الشغاله مضيعه تنوره بنتها يمكن مدخلتها عندي ويشهد الله اني كنت اساعدها بعمليه التفتيش (لاني اتخيلها امي)واصمت

كانت تحاول احراجي امام الحريم عندما نجتمع ولكن اسكت لاني عارفه الناس تقول حتى لو عمتها غلطانه المفروض مايتهاوشون قدام الحريم يعني اطلع انا الغلطانه وهذا مالا ارضاه لنفسي بعد هذا الصبر الطويل

اما وجبات الاكل هذي يبيلها مجلدات لحالها لانها كل مره تغير مزاجها مره تبي الاكل مالح ومره باهت ومره تقول البهارات تسبب لي حرقان ومره الاكل ماصخ مافيه بهارات

وطبعا في كل مره اطبخ لها طبخه من جديد حسب المواصفات المطلوبه(وطبعا اتخيلها امي)ومشتهيه تاكل هالطبخه

لما ارجع من السوق اوريها اغراضي واحد واحد حتى الاشياء الخاصه (تذكرت موقف طريف بقوله لكم مره اشتريت لمعه الجسم وريتها على انها كريم عادي0 طبعا هي كل كريماتي من املاكها الشخصيه وتستخدمها متى مابغت 0وتخيلوا شلون بيكون شكلها وهي رايحه عند ناس وهي مستخدمه لمعه الجسم...؟؟

وطبعا لما جاني عيال ياسلام بدات تلقى اثاره اكثر 00عيالكم سوو وعيالكم فعلو00بذكر لكم موقف واحد 00مره ولدي كب بيبسي على الموكيت حق غرفتها00قالت انا حلفت ان البيبسي ماينمسح ولازم يتغير الموكيت كله(طبعا تبغى تنرفزني وتشوف رده فعلي) المهم ولدها عيا قال هذا جبروت مهو طلب معقول 00ورحت وغيرت موكيت الغرفه على حسابي الخاص

المهم يااخوات ان هالمعارك دامت تقريبا خمس سنوات(داحس والغبراء)

وبعدها اعلنت ام زوجي استسلمها

وصارت تفضلني على زوجات اولادها السته وصارت كل ماشافت شي جديد عند زوجات عيالها او بناتها تشتريه لي وتقول شفتهم شروه اكيد انه شي دارج هالوقت وقلت باشتريه للغاليه

وصارت تستشيرني بكل شي يخصها حتى لو عيالها قالوا لها شي ماتثق فيهم لحد ماتاخذ رايي

وصارت تدعي لكل عجوز تشوفها ان الله يرزقها بحرمه ولد مثلي

طبعا كل الناس مستغربين بما فيهم زوجي واخوانه شلون قدرت اكسب ام زوجي

واقسم بالله تقريبا تسعين بالميه من المشاكل ماكان يدري عنها زوجي لاني كنت اقول في نفسي (طيب واذا عرف بالمشكله يرمي امه بالشارع ولا يروح يهاوشها وتزيد المشكله ماتنقص وهذا الي هي تبغاه)كان مايدري الا بالمشكله الي يشوفها بعينه

والله اني اكتب قصتي مع ام زوجي لكي تستفيد منها كل عروس توها باول المشوار وماهي عارفه كيف تتصرف مع ام زوجها

والله يا ام معاذ اني احترمها واحاول قد ما اقدر اتحمل تصرفاتها بس ما فيني صبر امل وكل شي اروح اقوله لولدها مو شر بس ودي يلمح لها بس ما فيه فايده هو سلبي مع الناس كلهم والله اني احس بضيقة صدر ودي اعيش بحريه موتحت المجهر والمشكله قدامي تسوي نفسها ماتدخل بس عيالي يفضحوها لانها بس تسألهم عموما الله يجزاك الجنه كلامك ريحني نوعا ما

طيب قوولي لزوجك عشان تسلمون من المشاكل يخرجك في بيت لوحدك

والله ياقلبي الحل الوحيد ان تقولي لها باسلوب فيه ادب وتلطف انها سببت مشاكل كثير وهي ماتعرف
غلفي الكلام بأنك تعرفين نيتها زينه وهي كويسه بس خليها تنتبه

صدقيني لا تكتمين كثر الضغط يولد انفجار
تعاملي مع الناس بصدق وشفافيه وبترتاحين

وهي حتى لو كانت ام مولازم تحشر نفسها .. حقها يجيها حتى لو هي مو داخله في خصوصيات بنت الناس


ادري بيجي هجوم ومايهمني لان هذي قضيه لازم يكون لها حد
اللي يتدخل في العالم يتحمل نتائج سوء افعاله

الله يعينك هم كذا اهل الزوج الا من رحم ربي

انا ابوة يتدخل بحياتي ويسولف سوالف حريم طبعا اول كان طيب وعلى نياتة بس زوجتة الي هي ام زوجي وبناتها حرضوة علي وهن يسون نفسهن برئات يعني البلاا بهم كلهم

تدرين وش سويت سكرت بابي اذا كانوا قشران وذاك الاسبوع مستقصديني بالهم واذا نفسياتهم زانت نزلت وسولفت كأن شي لم يكن هم كذا طبعهم متقلب و**** يعين اللي بيعيش عندهم

والله ماحصلنا من التفكير بهم ولية عاملوني كذا ولية يبوني ابكي ولية يتحكمون فيك ولية حاسبيني مثل الغربية

وهالحين الحمدللة ابعد تسع سنين زواج عيالك سوو واعيالك فعلووو يبون اي شي يغثونك فية انا اناظر وابتسم واقول خليكم من سوالف البزران فلاانة وش اخبارها اقلب السالفة اني تعبت من تردد الهرج وهم مالهم علااااج

فكل اللي عليك تجاهليهاااا بوقات تدخلهاا وخليها بتفكيرك انسانة حشرية فية بنات مثل اخلااقها مو بس الكبيرات بالسن

الطبع يغلب التطبع

بردي اعصابك وشيلها من تفكيرك وخلي همك سعادة زوجك وسعادتك وبتعيشين ام القيل والقال الناس ماتتعب منة اللي راحت فيها نفسياتنا وعمرنا
ياليت احد نصحني اول حياتي وقال الناس اجناس منهم الطيب ومنهم النحاس
على باللي الناس كلها مثل صادقة ولا احي الكذب ولاا اظلم ولا اسرق طلع غير انتي ماعليك الا من نفسك وزجك و**** لو زوجك ينحبس والا يموت لاسمح **** لترجعين لبيت ابوك يعني هذولااا كلهم مااينفعووك فلية تعطينهم اكبر من حجمهم طنشيهن