تدخل وتقول لنا كيف عيدها هالسنه

كل عام وانتو بالف خير وجعله عايد علينا وعليك بالعافيه ومبارك عليكم ماتبقى من الشهر
اليوم موضوعي ابي كل وحده تقول لنا كيف نظام اعيادهم يعني اول يوم وين يروحون ثاني يوم وهكذا وش يسوون بالعيد ونوعيه ضيافتهم وطريقتها
انا ابدأ :
اول يوم: نتعيد الصبح مع ابوي نجتمع بس اخواني وخواتي عزوبيات اصلا مافيه الا وحده المهم نجهز صينيه شوكولاته موالح وشيز كيك عصير وذبيحه ونتقهو الساعه عشر على 12 يكون الغدا جاء تنغدا ندردش نستهبل وكلن ينام
بالليل نجتمع مره اخرا ونطلع نتعشى برا العام رحنا مطع يا مال الشام هالسنه ما ادري
ثاني يوم : نجتمع كل عوائل عائلتنا بقاعه العام كنا ماخذين على مااذكر والله اني ناسيه شكلها نياره ونتكشخ ونجيب طقاقه وفرقه مهرجه لللاطفال وكلن يجيب قرقيعانه ومسابقات ووناسه بالليل طبعا والرجال نفس الحاله مهرج ومسابقات وشعر وقران وذكر وعرضه رجال
ثالث يوم عند عماني ح اننا نكون شايفينهم بالقاعه بس مايخالف مره ثانيه ونجتمع تجمع صغير كل سنه على عائله ونودي معنا المقسوم مره صينيه شوكولاته كبيره مره ابوي يحلف يتكفل بالذبيحه وهكذا
ونشغل مسجل ورقص وهبال ماشبعنا عقب امس وضحك بس ترى عادتنا اننا مو مره مع بعض يعني شوية رسميه بس مايخالف اهم شيء الاخلاق وحب الوطن
ورابع يوم: نقضيه عند خوالي بمزرعتهم كبيره مايبقى قريب ولابعيد الا فيه وعشاء وهبال وسوالف خفيفه بس لاتحسبون خوالي بس لا خوالي وعيال عمهم وعيال عيال عمهم وعيال بناتهم وعيال عيال بناتهم ورجال بناتهم وهكذا
يالله اتحفونا














بنات ابي طلب كل وحده تقرا هالدعاء تقول امين من قلب (يارب زوج اخت جروح متالمه بالزوج الصالح التقي النقي الغني ومايتم شهر عشره الا اهي متملكه اللهم امين يارب واللي قال امين ياراحم الراحمين )