تدخين زوجي وتأثيره على حملي قصتي ونصايحكم

هلا بنات كيفكم


نفسيتي تعباانه وكاااتمه جداً لي يومين .. ودي انفس عن نفسي وابكي .. سبحان الله هذا حال الدنيا محد مرتاح ..حتى الانبياء والصالحين تجيهم ابتلائات .. كل ما اتذكر هالشي ارتاح شوي


انا شخصيتي كتومه جداً ما احب اشتكي حتى لامي


سالفتي ياحلوات قبل ١٠ سنوات تزوجت وتأخر حملي ٤ سنين مابقيت شي ماسويته .. وزوجي كان مدخن ماجى في بالي ابد اني اخليه يحلل مغير اشرب من هالاعشاب وانا تحاليلي سليمه بس فيني تكيسات قالو ماتمنع الحمل .. المهم جتني حالات اكتئاب شديده وبعد الرقيه فتحت عيوني شوي وطلبت من زوجي التحليل وحلل والنتيجه ماقرأتها بس هو قالي انها لزوجه بسيطه ومتأثر عالحمل اتذكر الدكتور صرف له فيتامينات كثيييييره
ويستخدمها وماترك التدخين مستمر عليه ولاحصل حمل وانا مغير منشطات دمرت وجهي حبوب وحفر واثار
بعدها بفتره جى قالي انا قررت اقطع التدخين عشان صحتي وخفف منه كثير وخلال ٣ شهور حملت الحمدلله وفرحت كثييييير


اللحين نفس السالفه انعادت .. زوجي ماترك التدخين وبعد حملي رجع يدخن والسبب انه اخوانه وربعه مدخنين والسبب الاكبر انه ماعنده اراده قويه


ولدي عمره ٥ سنوات وانا لي فوق السنه احاول احمل وتحاليل ونفسيتي ززززفت وناسيه تماماً موضوع تدخينه .. هالشهر اصريييت عليه يحلل وحلل وهالكره اخذت التحليل اقراه
ضعف في الحركه اول نص ساعه فقط ٣٠ بالميه النشيطه وبعد ساعه ١٠ بالميه نشيطه والباقي لاتتحرك او بطيئه


طبعاً السبب التدخين وقاله الطبيب اقطعه عشان امورك تتحسن
ليش كذا... هالتدخين حرمني العيال خلال هالشر سنين .. حرمني الحمل بسهوله من دون تعب وممرخات ودكتورات .. دمر لي بشرتي بسبب هالمنشطات اللي اخذها .. زرع بقلبي اليأس والحزن كل ما اشوف وحده حامل او جاها بيبي .. ادعي لهم بالتوفيق وبقلبي حزن على حالي
اللحين كيف اخليه يبطله نهااااائي .. لي يومين كاتمه وعارفه نفسي بجيب العيد بفتح معه الموضوع وبنفجر في وجهه
الاخ الكريم كل شوي يصد يدخن ولا كأن الدكتور قايله يبطل
انتبهو يابنات اي وحده فيكم زوجها يدخن ولا بعد حملت خليييييه يحلل .. موب تركض السنين قدام عيونك وتكبرين بالعمر وانتي ماجبتي عيال بسبب هالزفت اللي ياخذه .. تدفعين ثمن اخطائه


نصايحكم ! وهل فيه دوا يساعد عالحركه ! ومن مرت بنفس تجربتي ! ابغى كلام مثل البلسم على قلبي يسعدني ويخفف الحره اللي فيني