السلام عليكم
اكيد اللى قرأو موضوعى حق امس
وبلشتى انا وشعرى والمشغل و.............زوجى
تبى تعرف كيف تصرفت معها
واللى ما قراته هاذا هو الموضوع
http://forum.hawaaworld.com/showthread.php?t=1295051
هذا ياطويلات العمر
بعد ما صارت لى هذى الورطه
زوجى فى الدخله والطلعه يتشمت بى:hahaha::hahaha:
ويقول هذا جزاء كل وحده تعصى زوجها
هذا جزاء كل وحده تتبطر على النعمه اللى عطاها ربى ولا تحمد ربى على خلقته
واذا كان باله معكر:mad:
روحى ياللى يضحكون عليك الحريم
انت ملعبه يلعبون فيك
كأنى جايب الفوس من الشارع
لو انك متصدقه فيها بهذا الشهر الفضيل كان اصرف لك
المهم اكلنى بلسانه
وانا :44::44::icon33:
عاد انا يوم انى رحت المشغل اخذت معى قطعتين قماش لان المشغل فيه قسم خياطه وخيطتها عنده ب 300 ريال
وموعدها بعد اسبوع من الحدث الاليم
طول هاالاسبوع وانا افكار تودى وافكار تجيب
عاد اختكم دائما مسالمه وعمرى ما طولت لسانى على احد ولا اتجرأ :04:
اصلا ما اعرف حتى لو كان الحق لى
اللحين وش يفكنى من ابو الشباب
كيف ابطلبه ال 300 وانا قبل اسبوع اعطانى ال500 والله لو اموت وياليت فيه نتيجه كان ما يخالف لكن ......
المهم جمعت بنات افكارى......:35:حلوة بنات افكارى
وقررت انى اروح واخذ خياطى من غير ادفع ولا قرش
وياذابح يامذبوح
عاد جاء يوم التسليم
وذى المرة غسلت مواعينى قبل ما اطلع حتى ما اتوهق
واخذت عيالى معى
سبحان الله لاصار شىء ولا ما شيات ولا ان عيالى معى واشوفهم فى الرمق الاخير
( حشى كنى داخله معركه )
بالنسبه لى معركه اول مرة يحصل معى كذا واول مرة زوجى يحد لسانه على
المهم
لبست عباتى ولبست زنوبه ( وانتم بكرامه ) ورح تعرفون فايدتها لا حقا
مشينا ............
هاة وش بتسوين ترى ما معى لك قرش.........
بينى وبين خاطرى وانت من طلبك قروش بعرف اتصرف...........
هاة وش بتسوين.........
اكيد بنضحك عليك مرة ثانيه الله واعلم ايش بيسون معك ذى المرة.........
قلت ما عليك منى انت ودنى وبس........
واحترينى برى .....
ولا تطفى السيارة انت تسمع لا تطفى السيارة ان شاء الله اقعد لين الصبح.....
وخليك عند الباب لا تروح كذا ولا كذا......
عاد والله لو انى سواق ابوك تتشرطين على..........
اما انت تقول انت دبرى عمرك خلاص مالك دخل.......
وصلنا...
اخذت معى ولدى الكبير الله يحفظه.....
هاه يابعدى....
انا باخذ الكيس اللى فيه الملابس
واعطيك اياة .....
واطلع السيارة ....
وانت يمه.....
ماعليك منى سوى مثل ما اقولك.....
دخلنا..
سلام....
وعليكم السلام....
هلا والله ام ....
هلا فيك هاه كيف شعرك.....
الله ......الله .....
من كثر ما اشوفه ناعم بصور فيديو كليب على البحر عشان اشوفه يهفهف......
انا ما قلت لك....
كمان عيديه مرة ثانيه حتى يثبت معاك ((( ودها تكمل الألف )))
افا عليك اكيد كل شهرين وانا عندك.....
اخذت خياطى قايسته تمام ....
جمعت خراقينى فى الكيس وولدى بجنبى عطيته والا هو فاغر فى الحريم :o
اللى تسوى مكياج واللى تقص شعرها....
المهم
وانا اطالع فيه وابقق عيونى:mad:
عليش اتفقنا يامال الصلاح...
وانه يسحب عمرة ..
اه والله انه وده يقعد يتفرج
((الرجال من صغرة الواحد وعينه طويله))
جات خويتى..
ولا هى تقول عندنا مكياج حلو وعندنا ...............
عاد تمدح فى شغلها
وانا اغلى من داخلى ودى لو انى زانطتها
واهز راسى ايوة ايوة ممتاز ههههه.....
ادور فرصه انى انحاش منها دون خساير
ولا وربى من عنده الحمد لله انشغلت مع زباين ثانين
لملمت عبايتى من تحت
ولا انا احط رجلى
الان تأتى فايده الزنوبه
التفحيط
من دون صوت
وياحرارة كراعينى من القوة ومن كثر ماهى تتصافق
واخرج من المشغل
على السياره وابو الشباب ما يقصر
يحط رجله
وشوى.....
هاه اشوف فيه سيارة تطاردنا....
هاه اروح من هنا ومن هنا وهى ورانا.....
اكيد انهم يطاردونا.....
والله لو يجنبونى اقول لا اعرفها ولا اعرف عيالها .....
والله تصدقون انى صدقت ولا هو يضحك على
وصلنا البيت
ولا انى بموت من الخوف
قلبى احسه بيت ارجولى
هديت سميت بالرحمن شربت لى زمزم
واخذ التلفون وادق عليها
يوم عرفتنى
هاه انا قلت يمكن انت رحت مشوار ولا شىء ضرورى وبترجعى.....
قلت.....
يابنت الناش انت ضحكتى على
قلتى فرد وما فرد وشعرى هو هو
غير الخساير اللى جتنى غير التعب اللى جانى فى غسيل الحمام وغير قارورة الكلوركس اللى خسرتها عليه
حسابك وصلك مقدما
اخذتى 500
300 حقت الخياط و200 تعبك فى شعرى واحنا خالصين.....
هاه تعالى نتفاهم طب تعالى اسوى شعرك...
قلت خلاص ماجانى كفايه
وانا اصك الخط
والحمد لله بردت نارى
ولا ابو الشباب ماشوف الا الضروس طالعه
اهبى والله منت هينه....
والله انى اخاف منك تدبرين لى دبرة.....
عشان ماتقول انت مضحكه يضحكون عليك الحريم.....
صح انا طيبه لكن ...
ما افرط فى حقى....
وسلامتكم
هذى قصتى مع المشغل
وتحسبون انى تبت
بعدها انضحك على اكثر من مرة عينى عينك
لكن الله يعيننا الحريم
والله انا مضاحك
وتمت القصه
ملاحظه
الاحداث حقيقيه
مع بعض التعديلات من المخرج
&ساعة صفا& @ampsaaa_sfaamp
محررة فضية
يلزم عليك تسجيل الدخول أولًا لكتابة تعليق.
هههههه كفو انا كذا اتنقم ما اعرف اسكت بس وااااااااااااااااالله قهر يبنات مين يحاسب ها المشاغل المفروض وزاره الصحه تهتم موفقه خيتو وكفو مره اخره
هههههه
الله يسعدك يااشيخه
مااشاء الله عليك قويه
والا ولدك الي سااعدك والا مااتقدرين تطلعين من دوون ضحاايا خخخخخخخخخخ
الله يسعدك يااشيخه
مااشاء الله عليك قويه
والا ولدك الي سااعدك والا مااتقدرين تطلعين من دوون ضحاايا خخخخخخخخخخ
الصفحة الأخيرة
مخرجه ممتااااازه بارك الله فيك