تدرون زوجي شيقول لي

السلام عليكم ورحمة الله وبركاته
اشلونكم خواتي العزيزات
أولا أنا حزينة :44:
حزينة من كلام زوجي اللي دايما يقوله لي لدرجة إني صرت اكرهه
أول ما تزوجت كان عمري 18 سنة وجميييييييييلة وجسمي مانيكان وكل مواصفات الجمال فيني ولله الحمد ولهذا السبب زوجي اختارني وحاط عينه علي من كنت صغيرة ما نساني ولما بغى يتزوج على طول اختارني
وأول ما تزوجت حملت ويعدين حملت مرة ثانية وحملت وكانت ولاداتي كلها قيصرية إلا ثنتين ولادة طبيعية وبعدين قمت أنظم نفسي
طبعا مع تقدم السن وأنا ألحين عمري 33 سنة وزوجي 41 سنة زاد وزني لكن مو بصورة كبيرة لا لا لا لايروح فكركم لبعيد ولكن أكثر شئ فيني كبير بطني مع إني لوقفت ما يبين لي بطن وقاعدة أنزل وزني ألحين
الشئ اللي قاعد يقوله لي زوجي
أنا ما أشتهيك ولا تثيريني
كله يقولي بطنك وبطنك وبطنك تخيلوا مرة كنت تعبانة بطني يعورني فجاء قعد يتريق كنا حاطين الريوق فقالي اشفيك قلت بطني يعورني قال إنتي توك صغيرة وهذا بطنك شكبره قلت إنت ما عندك احساس أنا بطني يعورني وتعبانة وانت تقولي بطنك وبطنك بدال ما تقول سلامتك قومي أوديك الطبيب
صدقوني يابنات لما أشوف الحريم أقول بيني وبين نفسي أنا أهون منهن اشلون يقول علي زوجي جذي وفيه حريم أعمارهن بالعشرينات تقولين جدة مو بنت وأنا بالنسبة لهن أحلى بكثير
أنا تعبانة نفسيا حقدت على زوجي كثير تصدقون إنه ينام بغرفة وانا بغرفة ولما أقومه أقول له قوم نام فوق ما يقوم :(