ويش صاير في حريمنا وبناتنا .......كل حزة وحين ........ما علي منكم والله لاشتري شنطة ماركة ....فلانة وفلانة ...موب أحسن مني
زين اشتري شنطة ماركة ....ايش المشكلة ؟
تدرون ايش المشكلة يا أخوان إن الشنطة الماركة بالآلاف
ومافيه رجال عاقل كدّ لين جاب القروش بيشتري شنطة بكم ألف
علشان كذا تسمع البنات والحريم دائم حلمهم هالشنطة الماركة وكلامهم دائماً
والله أول مكافأة لي من الكلية باشتري شنطة ماركة ......
قسم أول ما أتوظف باشتري شنطة ماركة ........
حلفت أول ما أجمع فلوس لاشتري شنطة ماركة .......
وعـلى هالحال
واللي يسمعهم يقول هذي الشنطة
إما الماس أو ذهب وإلا حتى فضة
أو على الأقل
بتقعد معها العمر كله
لأن شنطة بهذي القيمة صعب تفرط فيها
لكن للأسف ولا شي من اللي قلته بيصير
وما أدري ويش اللي عاجبهم في موديلاتها
وبصراحة وبيني وبينكم
المسألة تقليد وعلى ما يقولون جكار
وصدقوني ولا وحدة شابة وعندها ذوق تعجب فيها
تدرون ليش ؟؟؟؟؟؟؟؟
لأن هذي الشنط أصلا مصنوعة علشان تناسب العجايز حريم الأثرياء والوزراء
لأن هالعجايز هم اللي يقدرون على قيمتها
وهم اللي يحرصون على شيء يميزهم ويظهر مكانتهم
وهذي الألوان الغته والاحجام المكلبزة والحلقات المعدن هي اللي على ذوق العجايز
ويكون في العلم شنطة وحدة وبس
لكن يالله ماعندك مشكلة خلهم يشترون
قولوا لي ايش بيحطون فيها ؟؟؟؟
عجايز الغرب بتحط فيها جوال وجهه ذهب
ومحفظة من جلد الثعبان الأفريقي مليانة
بطاقات صراف وفيزا وماستر كارد وعد تغلط
ومفاتيح بميدالية مطعمة بالمجوهرات .....الخ
لا....وشايلتها طول الوقت ماتحطها بالارض لحظة
أما اللي عندنا ويش بيحطون فيها ؟؟؟؟؟؟
محفظة إن طقتها الحمى بمائتين وفاضية غالباً لأن العيال وأبو العيال ما يخلون معاها شيء
شنطة مكياج من أقرب بسطة أو من أبو ريالين فيها كحل وروج منتهية مدتها
وماننسى الحفاظة للمتزوجة ودفتر بدون قلم لطالبة الجامعة
وياليت حريمنا وبناتنا إذا شروها يحافظون عليها
إلا تلقاها مقطوطة بكل مكان
وانت ماغير تصايح شيلوا الشنطة....... انتبهوا الشنطة
لا وبعد فترة تمل منها وتشوف موديلات ثانية
وتبدأ تحـــــــــــــن و تـــــــــــــــــــــــــــــرن
يعني بالعربي وينكم و وينهم
واللي يقهر
انهم ماشين على هالموضة علشان اللي ماعندها شنطة ماركة
للأسف للأسف
تفتقد الذوق والشياكة والرقي
وإذا كان عندها شنطة ماركة الكل يقدرها ويحترمها ويعتبرها شيء
وهذا شيء تشوفه واضح في البنوك والأسواق النسائية الراقية والمكاتب والمراكز النسائية
يعني قدرك قدر الشنطة اللي تشيلينها
وإذا ما عندك هالشنطة مالك قدر
يعني في الحقيقة قدرك قدر الشنطة
يعني أنـــــــــــــــــــــــــــــــــــــــــت شنطة
على أيش اجل المهور غالية ياشنط
لا واللي يفقع القلب وينفخ الرئة
اللي ما تقدر على الماركة الأصلية
أو إنها أعقل شوي وفيها خوف من الله
تشتري تقليد درجة أولى بكم مئة
واللي ما تقدر على تقليد الدرجة الأولى
تشتري أي درجة المهم ما فيه أحد أحسن من أحد
يا حريم وين راحت عقولكم ؟؟؟؟
والله ماتربحوا هالكفار إلا من جيوبكم
كانوا أول يصنعون كم حبة وتذبل كبودهم ما مشت
وهالحين يضخون لنا بملايين الشناط
ولاهي بذيك الجودة وأحيانا يلعبون عليكم ويبيعون عليكم تقليد
المهم يشفطون فلوسكم ويفلسونكم
والصينين البوذيين انفتح لهم باب رزق
يقلدون درجة أولى ..ثانية ...ثالثة...ألف
المهم الكل يشتري منها الغني والفقير
وحنا الواحد البيت بالتقسيط والسيارة بالتقسيط والزواج بالتقسيط
السفر بالسيارة ينقطع قلبك ماوصلت
ليش .........؟؟؟؟؟؟؟ مافيه فلوس
شوفوا ياحريم إذا ماتبغون تعطون أهاليكم وإلا أزواجكم فلوسكم أنتم أحرار
بس لا تعطونها الكفار في شنط ما تسوى ولا تستوي
صونوا قروشكم ....ترى اللي عطاكم وحرم غيركم قادر يحرمكم
و في يوم القيامة ماراح تتحركون حتى يسألكم ربكم عن فلوسكم اشلون صرفتوها
ايش بتقولون ....... راحت في شنطة ماركة علشان فلانة وفلانة ما تحتقرني
واخزياه .....هذي اهتمامات يقابل الواحد فيها ربه ؟؟؟
هذا اللي عندي
أنا بلغت لكم النصيحة وبرئت ذمتي
واللي ماتبغى تنّصح لا تطبق....... الحريم موب كلهم عقال
للأسف كثير منهم شنط
وأنا وأصحابي نعلنها لجميع الحريم بصراحة
أي وحدة شايلة شنطة ماركة أصلية أو تقليد بنسميها
شنطـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــة
وسلامتكم / إني لكم من الناصحين
منقول
أم ذر @am_thr_3
عضوة جديدة
يلزم عليك تسجيل الدخول أولًا لكتابة تعليق.
ناعمة الشمرى
•
يوه كش كاشف حركات الحريم هالرجال شكل مرته عالتن قلبه تبى شنطه ماركه ومابى احلف انه مرته ولا اخته ولا امه شنطهم ماركات بس جالس يهايط علينا قم بس قم
مشكووووووورة على النقل والله من جد البنات يضحكو حتى انا اقول ليش الشنط الماركة على قولهم كانها حق عجايز ههههههههههههه
الصفحة الأخيرة